د کورنیو چارو وزارت ویاند عبدالنافع ټکور وايي چې نن سهار د بدخشان د امنیې قومندان ودانۍ ته څېرمه په یوه موټر کې ځای پر ځای شویو چاودېدونکو توکو ته چاودنه ورکړل شوې چې مرګژوبله یې اړولې ده.
عبدالنافع ټکور ویلي چې په چاودنه کې د بدخشان د امنیه قومندان عبدالحق ابو عمر په ګډون درې کسان وژل شوي او دوه نور ټپیان دي.
د بامیان په پنجاب ولسوالي کې یوه امنیتي سرچینه سلاموطندار ته وايي چې د یاد ولایت د استخباراتو او د دې ولسوالي د امنیې قومنداني د ځواکونو ترمنځ په نښته کې د پنجاب ولسوالي د امنیه قومندان ورور وژل شوی دی. د بامیانو د امنیه قومنداني ویاند محمدخواني رسا وايي چې دغه پېښه په تېروتنه رامنځته شوې ده.
په دایکندي کې د اسلامي امارت محلي چارواکي وايي چې د دغه ولایت اړوند د خدیر ولسوالي امنیه قومندان او ولسوال یې د یوې مرموزې وژنې په تور نیولي دي. د دایکندي د والي د دفتر رییس وايي چې یاده وژنه په مرموز ډول شوې او ولسوال او امنیه قومندان اوس د دوی په بند کې دي.
د هرات والي سیدعبدالوحید قتالي وایي، د دغه ولایت په فارسي ولسوالي کې د امنیتي ځواکونو او وسلهوالو طالبانو ترمنځ د نښتو له امله د دې ولسوالي امنیه قومندان او یو سرتېری وژل شوي او ۵نور ټپیان دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
