د نړۍ یوشمېر هېوادونو په غزه کې روانو بریدونو ته په غبرګون کې او تاوتریخوالي له امله اسراییلو ته خبرداری ورکړی دی.
د انګلستان، کاناډا او فرانسې مشرانو اسراییلو ته خبرداری ورکړی، که عزه جګړه ونهدروي او بشري مرستو ته د لېږد اجازه ورنهکړي، له سختو بندیزونو سره به مخ شي.
دوی په غزه کې روانه جکړه او لوېدیځه غاړه کې د فلسطیني ځمکو غصب او تاوتریخوالی غندلی دی.
دغه خبرداری وروسته له هغې کېږي چې هالنډ له له اروپايي ټولنې غوښتنه کړې له اسراییلو سره د سوداګرۍ تړونونو باندې بیاکتنه وکړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دغه هېواد زیاته کړې چې اسراییل په غزه کې بشردوستانه مرستې ځنډولي او بمباري یې زیاته کړې ده.
د اروپايي ټولنې د بهرنۍ پالیسۍ مشرې کاجا کالاس پرون سهشنبه، مې ۲۰مه وویل چې اسراییل د ځان د دفاع حق لري، خو په وینا یې، د دوی اوسني اقدامات د ځان دفاع څخه هاخوا دي.
اسراییل په غزه کې د روانو مرګونو بمباریو او بریدونو له امله په نړیواله کچه تر سخت فشار لاندې دي. په اسراییلو کې دننه هم د بنیامین نتنیاهو پر ضد لاریونونه کېږي او پر نوموړي تور لګول کېږي چې د خپل واک د پایښت لپاره یې، غزه جګړه غځولې ده.