د راپورونو پر اساس، د روسیې او اوکراین پلاوي به نن (دوشنبه، جوزا ۱۲) د ترکیې هېواد استانبول ښار کې د مخامخ خبرو دویم پړاو پیل کړي.
روسیي رسنیو ویلي چې د دغه هېواد پلاوي اوکراین سره دویم پړاو خبرو کې د ګډون لپاره استانبول ته حرکت کړی.
د روسیې او اوکراین ترمنځ دویم پړاو خبرو کې د روسي پلاوي مشر د ولسمشر ولادیمیر پوتین سلاکار ولادیمیر میډینسکي کوي.
د اوکراین ولسمشر ولادیمیر زیلینسکي هم ویلي چې د پلاوي مشري به یې د دفاع وزیر رستم عمروف په غاړه ولري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دواړه پلاوي داسې مهال سره ویني چې د روسیې او اوکراین ترمنځ د جګړې د پایته رسولو لپاره ډېر اختلاف شته او په تېرو لږ تر لږه ۴۸ ساعتونو کې جګړه یو ځل بیا پراخه شوې.
د مې په ۱۶مه د روسیې او اوکراین ترمنځ د خبرو لومړي پړاو کې زیات شمېر بندیان خوشې شول، خو د اوربند یا د جګړې د پایته رسولو څرک پکې و نه لیدل شو.
