د روسیې د دفاع وزارت وايي چې په تېره یوه شپه او ورځ کې یې دونېڅک کې د اوکراین تر ۲۰۰ پوځیان وژلي او د دغه هېواد د پوځ ګڼشمېر پوځي وسایل او وسایط یې لهمنځه وړي دي.
د روسیې د دفاع وزارت یکشنبه (غبرګولي ۱۴مه) په یوې خبرپاڼه کې ویلي چې دونېڅک کې یې د اوکراین پراخ پوځي برید شنډ کړی او تر ۲۰۰ اوکرایني پوځیان یې وژلي دي.
د سلاموطندار پښتو فېسبوکپاڼه وڅارئ
په خبرپاڼه کې راغلي چې د اوکرایني ځواکونو ټانګونه، توپخانې، زغرهوال موټر او نور وسایل هم لهمنځه وړل شوي دي.
اوکراین بیا تراوسه د دغه هېواد پوځ ته د اوښتې مرګژوبلې او زیانونو په اړه په رسمي توګه څه نه دي ویلي.
د روسیې د دفاع وزارت په خبرپاڼه کې ویل شوي: «د دونېڅک په اسلاویانسک او مېنکووکا سیمو کې د اوکرایني تعرضي ځواکونو د مهماتو ډيپوګانې هم لهمنځه وړل شوي دي.
