د اروپا فوټبال د اتلانو لیګ سیالیو په لړ کې بېګاه شپه ریال ماډریډ لوبډلې ښکلې لوبه وکړه او د انګلستان پیاوړې لوبډلې لېورپول ته په خپل کور کې ستره ماته ورکړه.
د اتلانو لیګ د ۱۶ غوره لوبډلو پړاو بېګانۍ لوبه کې ریال ماډریډ لوبډله بریالۍ شوه چې لېورپول ته (۵-۲) ماته ورکړي.
که څه هم دغه لوبه کې د انګلستان لېورپول کلب په لومړیو ۱۴ دقیقو کې ښکلې لوبه وکړه او دوه ځلې یې د ریال ماډریډ لوبډلې دروازه پرانېسته، خو ریال ماډریډ ښکلې لوبه وکړه او د لومړۍ نیمايي ترپایه یې لوبه ۲-۲ مساوي کړه.
د سیالۍ دویمه نیمايي بیا بشپړه د ریال ماډریډ لوبډلې په واک کې وه او دې نیمايي کې یې درې ځله د لېورپول پر وړاندې ګولوهنه وکړه.
سلاموطندار پر ټویټر هم وڅارئ
د ریال ماډریډ لپاره کریم بنزما او وینېسیس جونییور دوه- دوه ځلې او مېلېټاوو یو ځل ګولوهنه وکړه. د لېورپول ګولونه بیا محمدسلاح او نانیز ترلاسه کړل.
