د نیوزیلنډ او پاکستان کرېکت ملي لوبډلې نن د پاکستان په لاهور کې د پنځو شل اووره سیالیو څلورمه لوبه کوي.
ټاکل شوې چې یاده لوبه نن پنجشنبه د اپرېل ۲۵مه د لاهور په قذافي کرېکټ لوبغالي کې ترسره شي.
د سلاموطندار پښتو فېسبوکپاڼه وڅارئ
د یادې لوبلړۍ لومړي سیالي د باران له امله لغوه شوې او شویو دوو لوبو کې پاکستان او نیوزیلنډ بریاوې خپلې کړې دي. روانه لوبلړۍ ۱-۱ مساوي روانه ده.
له دې وړاندې د یادې لوبلړۍ لومړۍ درې لوبې په راولپنډۍ کې وشوې او پاتې دوه لوبې به د پاکستان د لاهور په قذافي لوبغالي کې ترسره شي.
پاکستان او نیوزیلنډ په شویو وروستیو پنځو لوبو کې دوه ځلې پاکستان او دوه ځلې نیوزیلنډ بریاوې خپلې کړي چې یوه لوبه د باران له کبله لغوه اعلان شوې.
د نیوزیلنډ کرېکټ ملي لوبډله کې تر ډېره نویو او ځوانو لوبغاړو ته د لوبېدو چانس ورکړل شوی چې تر دې مهاله د پاکستان پر وړاندې ښه لوبېدلې دي.
د نیوزیلنډ ډېری لوبغاړی دا مهال د هند کرېکټ غوره لیګ کې لوبېږي. بلخوا پاکستان هم دغه لوبلړۍ ته د پخوانیو لوبغاړو ترڅنګ نویو لوبغاړو ته هم بلنه ورکړې.