د ترانسپورت او هوايي چلند وزارت د هوا پېژندې ریاست د یوې خبرپاڼې په خپرولو سره د هېواد په ۹ ولایتونو کې د شدیدو واورو او بارانونو ورېدو اټکل کړی چې ورسره د سېلابونو راوتو احتمال هم شته.
دغه ریاست سبا (دوشنبه، د وري ۱۸) بدخشان، تخار، کندز، بغلان، سمنګان، بلخ، سرپل، بامیان او فاریاب ولایتونو کې د واورې او باران ورېدو اټکل کړی دی.
خبرپاڼه کې ویل شوي چې دغو ولایتونو کې به د واورې اندازه له ۱۰ تر ۲۰ ساتني مترو او د باران هم له ۱۰ تر ۳۵ ساتني مترو پورې ووسي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
دا په داسې حال کې ده چې څو ورځې وړاندې هم د هېواد په بېلابېلو برخو کې درنه واوره او بارانونه د ویجاړوونکو سېلابونو لامل شول.
دغو سېلابونو یوشمېر ولایتونو کې خلکو ته د مالي زیانونو ترڅنګ، ځاني زیانونه هم اړولي وو.
