د غزې د روغتیا وزارت ویلي چې په تېرو ۲۴ ساعتونو کې د غزې پر تړانګې د اسراییلو بریدونو کې لږترلږه ۴۰ کسان وژل شوي او ۷۱ نور ټپیان دي.
د سلاموطندار پښتو فېسبوکپاڼه وڅارئ
د الجزیرې خبري شبکې نن (د زمري شپاړلسمه، سهشنبه) راپور ورکړی چې اسراییلي ځواکونو په تېرو ۲۴ ساعتونو کې پر فلسطینیانو درې بریدونه کړي دي.
دغه وزارت په یوه خبرپاڼه کې لیکلي چې د اسراییلو په بریدونو کې یوشمېر وژل شوي کسان تر خاورو لاندې او مرستندویه ځواکونه د اسراییلو د مخنیوي له کبله هغوی له خاورو نهشي را اېستلی.
د غزې د روغتیا وزارت د وروستیو شمېرو پر بنسټ، د حماس او اسراییلو ترمنځ د جګړې له پیل راهیسې له ۳۹ زره او ۵۰۰ څخه ډېر کسان وژل شوي او له ۹۱ زرو څخه ډېر ټپیان دي.
اسراییلو له څه باندې ۳۰۰ ورځو راهیسې پر غزې تړانګې بریدونه پیل کړي او تر اوسه د دواړو لوریو ترمنځ د اوربند په اړه شوې هڅې بېپایلې دي.
