د فارياب محلي مسوولان وايي چې دغه ولايت کې يوه کس خپله اومېندواره مېرمن د چړې په وسيله وژلې ده.
دغه پېښه نن له غرمې وروسته د فارياب ولايت مرکز د ميمنې ښار د څلورمې امنيتي حوزې اړوند سيمه کې رامنځته شوې ده.
د سلاموطندار پښتو فېسبوکپاڼه وڅارئ
د فارياب د اطلاعاتو او فرهنګ رييس شمس الله محمدي سلام وطندار ته ويلي چې يوه کس خپله ۱۹کلنه اومېندواره مېرمن وژلې او له سيمې تښتېدلی دی.
د محمدي په وينا، تراوسه روښانه نه ده چې دغه کس ولې خپله مېرمن وژلې او د ا.ا ځواکونه د قاتل د نیولو په لټه کې دي.
