د ملګرو ملتونو د بشري حقونو ځانګړي راپور ورکوونکي ریچارډ بنټ ویلي، کابل کې د روږدو د درملنې په مرکز د پاکستان برید باید په خپلواکه، بېطرفه او چټکه توګه وڅېړل شي.
هغه نن چهارشنبه د حوت ۲۷ / مارچ ۱۸ پر اېکسپاڼه لیکلي چې د روږدو د درملنې په مرکز د پاکستان برید کې ګڼ شمېر ملکیانو ته مرګژوبله اوښتې.
نوموړي ویلي چې د دغه برید مسوولو کسانو سره دې حساب وشي او د قربانیانو کورنیو ته تاوان ورکړل شي.
د ملګرو ملتونو د بشري حقونو ځانګړي راپور ورکوونکي ریچارډ بنټ تېره ورځ هم ویلي وو چې پر افغانستان د پاکستان له هوايي بریدونو او د ملکي وګړو د مرګژوبلې له امله خواشینی شوی.
هغه له پاکستان او اسلامي امارت غوښتي چې د نړیوالو قوانینو، په ځانګړي ډول د ملکي وګړو او ملکي تاسیساتو د خوندیتوب درناوی وکړي.
ریچارډ بنټ له پاکستان او اسلامي امارت غوښتي وو چې د کړکېچ له زیاتېدو ډډه وکړي.