د ملګروملتونو سرمنشي پر اسراییلو د ایران د هوايي بریدونو په اړه اندېښنه څرګنده کړې او له دواړو غاړو يې غوښتنه کړې چې له زغم کار واخلي.
انټونیو ګوټرېش ویلي چې «نړۍ د بلې جګړې زغم نهلري.»
د سلاموطندار پښتو فېسبوکپاڼه وڅارئ
د ملګروملتونو سرمنشي انتونیو ګوټرېش په یوه بیان کې د «سیمهییز ویجاړونکي کړکېچ د خپرېدو د اصلي ګواښ» په اړه خبرداری ورکړی دی.
په دغه بیان کې ګوترېش پر اسراییلو د ایران پراخ هوايي برید په کلکه غندلی او د کړکېچ د سملاسي بندېدو غوښتنه یې کړې.
بلخوا ټاکل شوې چې د ملګروملتونو امنیت شورا نن «یکشنبه، اپرېل ۱۴مه» د اسراییلو په غوښتنه پر دغه هېواد د ایران د برید د څېړلو په اړه غونډه وکړي.
پر اسراییلو د ایران توغندیز برید ته د غبرګونونو په لړ کې جرمني، دغه بریدونه په کلکو ټکو غندلي دي. د جرمني د لومړي وزیر اولاف شولټز ویاند ویلي چې دغه هېواد له اسراییلو سره ولاړ دی.
د نوموړي په وینا، د ایران یاد غیرمسوولانو او غیرعادلانه برید د جګړې د پېښېدو ګواښ زیات کړی دی. بریټانیا هم د ایران بریدونو ته غبرګون ښودلی او هغه یې غندلي دي.
د دغه هېواد دفاع وزیر ګرانټ شپس ویلي، دغه بریدونه به یوازې د سیمې امنیت خراب کړي.