د لوګر پوهنې ریاست چارواکي وایي چې د دغه ولایت د ازرې ولسوالي د «موسیخان» ښوونځي ودانۍ تېره شپه د سېلاب راوتلو له امله ویجاړه شوې.
د دغه ولایت پوهنې ریاست ویاند شاهپور عرب سلاموطندار ته وویل چې یاد ښوونځي ته د سختو اورښتونو له امله اوبه ورغلي او د ښوونځي ډېری درسي خونو ته زیان اوښتی دی.
د سلاموطندار پښتو فېسبوکپاڼه وڅارئ
نوموړي پر مرستندویه بنسټونو او موسسو غږ وکړ چې د ازرې ولسوالي د ویجاړ شوي ښوونځي په بیارغونه کې دې مرسته وکړي.
د ازرې ولسوالي اوسېدونکي هم وایي چې د دې ښوونځي له ویجاړېدو سره ۳۰۰ زدهکوونکي له لیکلوست څخه بېبرخې شوي دي.
د پوهنې ریاست د معلوماتو له مخې، د وروستیو اورښتونو او سېلابونو له امله په مرکز پلعلم ښار کې درې نور ښوونځي هم ویجاړ شوې دي.
د لوګر سربېره د هېواد په ګڼو ولایتونو کې له تېرې یوې اوونۍ راهیسې پراخ اورښتونه روان دي چې ځینو ولایتونو کې یې د ځاني زیانونو ترڅنګ خلکو ته مالي زیانونه هم اړولې دي.