د هند د کرېکټ غوره لیګ سیالیو په لړ کې نن ورځ او شپه دوه لوبې کېږي چې په لومړۍ سیالي کې ډیلي کپېټل او راجستان رویلز پر لوبې بوخت دي او دویمه لوبه کې به چینای سوپر کنګز له ممبی انډیینز سره سیالي وکړي.
ډیلي او رویلز دواړو په روان ایپياېل لیګ کې دوه دوه لوبې کړي چې راجستان رویلز یوه ګټلې او یوه یې بایللې، خو ډیلي کپېټل بیا دواړه بایللي دي.
بلخوا د نن شپې بله په زړه پورې لوبه کې به چینای له ممبی سره سیالي وکړي. ممبی انډیینز تراوسه یوه لوبه کړې او بایللې یې ده چې د روان ایپياېل لیګ د جدول په نهم ځای کې ده.
خو چینای لوبډله بیا د اماېس ډوني په لوبډلمشرۍ کې تراوسه دوه لوبې کړي، یوه یې ګټلې او بله یې ماتې خوړلې چې دا مهال د جدول په شپږم ځای کې شتون لري.
د هند د کرېکټ غوره لیګ بېګانۍ لوبه کې بیا لکناو سوپر جاینټز لوبډلې په پنځو وېکټو سنرایزر حیدراباد ته ماته ورکړه.
سنرايزر حيدراباد لوبډلې بېګانۍ لوبه کې د لکناو سوپر جاينټز پر وړاندې په ټاکل شويو شلو اورونو کې د اتو لوبغاړو په سوځېدو ۱۲۱ منډې جوړې کړې وې چې لکناو سوپر جاينټز لوبډلې ورکړل شوی هدف د پنځو لوبغاړو په سوځېدو په ۱۶ اورونو کې ترلاسه او بريا يې خپله کړه.
سلاموطندار پر ټویټر هم وڅارئ
دا په روان ای پي اېل ليګ کې د سنرايزر حيدراباد دويمه پرله پسې ماته وه.
