د افغانستان بانک وايي چې د سبا پنجشنبه «کب، لسمه» به «۱۷» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (چهارشنبه، د کب نهمه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا پنجشنبه «۱۷» میلیونه امریکايي ډالر لیلام کړي.
د کانونو او پټرولیم وزارت مسوولان وايي چې نږدې راتلونکې کې به د ترکمنستان په همکاري هېواد کې د ټاپي پروژې عملي چارې پیل کړي.
د یاد وزارت مسوولان دغه څرګندونې وروسته له هغه کوي چې د امیرخان متقي په مشري یو پلاوی چې د کانونو او پټرولیم وزارت چارواکي هم پهکې ګډون لري، د ترکمنستان په بلنه دغه هېواد ته تللي دي.
د کورنیوچارو وزارت سرپرست سراجالدین حقاني وايي، له خپل دین څخه د دفاع په لاره کې هر ډول قرباني ته اماده دی. نوموړي دغه څرګندونې «دوشنبه، کب اوومه» خوست کې د حسن قرائت مراسمو کې د وینا پر مهال کړي. نوموړي وویل، د اسلام دين دفاع لپاره هر ډول قرباني ته چمتو دی او له دین څخه د دفاع لاره کې د هېچا لحاظ هم نهساتي.
د خوست امنیه قومنداني د دغه ولایت د اطلاعاتو او فرهنګ ریاست څخه په یوه مکتب کې غوښتنه کړې چې د یاد ولایت پر رسنیو څار ډېر کړي.
د امنیې قومنداني له لوري په لېږل شوي مکتوب کې راډیویي خپرونو ته د ښځو او نجونو پر ټیلیفوني اړیکو بندیز لګول شوی دی. په دغه مکتوب کې له دې اقدام څخه موخه د اخلاقي فساد مخنیوی بلل شوی.
د بامیان او دایکندي محلي مسوولان وايي، کابل ته د دغه ولایتونو غځېدلې لویې لارې د واورو اورښت او توپان له کبله تړل شوي دي.
د مسوولانو په وینا، له کابل سربېره د دې ولایتونو له مرکزونو سره د ولسوالیو لویې لارې هم بندې شوي. بلخوا د دایکندي مسوولان وايي، دغه ولایت کې اورښتونو د کابل او د یاد ولایت د ولسوالیو لارې تړلې دي.
ټاکل شوې سبا دوشنبه د فبرورۍ ۲۶مه د ملګروملتونو امنیت شورا د دغه سازمان د سرمنشي انتونیو ګوترېش او د دغې شورا د غړیو په ګډون، د افغانستان لپاره د ځانګړي استازي پر ټاکل کېدو غونډه وکړي.
د جوزجان د اطلاعاتو او فرهنګ ریاست په یوې خبرپاڼه کې ویلي، ټاکل شوې چې سبا «دوشنبه د کب اوومه» دغه ولایت کې د «قصاص حکم» پلی شي.
دغه ریاست د جوزجان له ټولو اوسېدونکو غوښتنه کړې چې له برښنايي وسیلو «موبایل، کامره..» پرته دې د قصاص ځای ته ورشي.
د بهرنیو چارو سیاسي مرستیال شېرمحمد عباس ستانکزی وايي چې ډیورنډ کرښه پاکستان پورې تړاو نهلري او په دې اړه د پاکستاني چارواکو څرګندونې د منلو وړ نهدي.
نوموړي کابل کې له یوې دیني مدرسې د نجونو فراغتغونډې ته د وینا پر مهال وویل چې ډیورنډ له انګرېزانو پاتې یوه کشاله ده چې پاکستان پورې تړاو نهلري.
د افغانستان بهرنیو چارو وزارت سرپرست امیرخان متقي د یوه پلاوي په مشري د ترکمنستان په بلنه دغه هېواد ته تللی دی.
د بهرنیو چارو وزارت د ویاند مرستیال حافظ ضیااحمد تکل نن یکشنبه، کب پنځمه پر اېکسپاڼه لیکلي چې متقي او ورسره مل پلاوي د ترکمنستان د بهرنیو چارو وزیر رشید مُردوف په بلنه یاد هېواد ته سفر کړی دی.
د افغانستان په چارو کې د امریکا ځانګړي استازي توماس وېسټ د افغانستان په اړه د دوحې غونډې د جزییاتو په خپرولو سره ویلي، دغه غونډه کې له افغانستانه بیاځلې د ترهګرۍ ګواښونو نه رامنځته کېدو، زدهکړو او کار ته د ښځو او نجونو بیرته ورګرځېدو او د اقتصادي او بشري مرستو وړاندې کولو لپاره اجماع موجوده وه.
د افغانستان د بهرنیو چارو وزارت سرپرست امیرخان متقي وايي چې د دوحې ناسته یې له نږدې څارلې او ځانګړې پایلې یې نهدرلوده.
متقي دغه څرګندونې پنجشنبه، کب درېیمه افغانستان کې د ملګروملتونو سیاسي استازولي «یوناما» مشرې روزا اوتنبایوا سره د لیدنې پر مهال کړې دي.
د غزني محلي مسوولان وايي چې نن «پنجشنبه، کب درېیمه» دغه ولایت کې پر دوو کسانو د قصاص حکم جاري کړی دی.
دغه دوه کسان چې د غزني د اندړو ولسوالي او د میدانوردګ د لونهيي سیمې اوسېدونکي وو، دو کاله وړاندې د وژنې «قتل» په تور نیول شوي وو.
د چارواکو په وینا، د قصاص حکم د سرپرست حکومت د یوشمېر چارواکو او د غزني د سلګونه اوسېدونکو په شتون کې جاري شوی دی.
ارګ یوه خبرپاڼه کې ویلي چې د ریاست الوزراء سیاسي مرستیال مولوي عبدالکبیر «سهشنبه، کب لومړۍ» کابل کې د جاپان له سفیر تاکایوشي کورومیا سره لیدلي دي.
دغه خبرپاڼه کې د جاپان د سفير په خبره ويل شوي چې جاپان غواړي له افغانستان سره د خپلو بشري مرستو د دوام ترڅنګ، د افغانستان او نړۍ ترمنځ د اړیکو په جوړښت او نږدېوالي کې مهم رول ولوبوي.
د ملګروملتونو سازمان د روان کال سلواغې پر ۲۹مه او ۳۰مه د قطر دوحه کې د .افغناستان په اړه غونډه وکړه
د چارو کارپوهان سره له دې چې د افغانستان په اړه د دغه ډول غونډو جوړېدل او دوام ته خوشبینه دي، خو ټینګار کوي چې د هېوادونو سیاليو او لیدلورو کې اختلافونو د دوحې پر غونډه سیوری غوړولی و.
د افغانستان د دعوت او ارشاد ادارې رییس محمدهاشم ورور وايي چې خبریالان او د رسنیو کارکوونکي دې ږیرې پرېږدي او د تصویر او ویډیو اخیستل لویه ګناه ده.
نوموړي دغه څرګندونې نن سهشنبه کب لومړۍ نېټه کابل کې د مبلغینو لپاره تربیتي اصلاحي سیمنار کې د وینا پر مهال کړې دي.
د کندهار د والي ویاند محمود اعزام سلاموطندار ته ویلي چې د دغه ولایت والي ملا محمدشېرین اخوند د یکشنبې په ورځ د کندهار ملکي او نظامي ادارو ته یو مکتوب لېږلی چې پر بنسټ یې باید د «ژوندیو» موجوداتو له تصویر او ویډیو اخیستلو څخه ډډه وکړي. هغه وايي چې یاد حکم عامو وګړو لپاره نهدی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
