د عامې روغتیا وزارت مسوولان وايي چې د هېواد ۳۰۰ ولسوالۍ معیاري روغتونونه نهلري او خلک یې له روغتیايي خدمتونو بېبرخې دي.
د یاد وزارت مسوولانو دغه څرګندونې نن یکشنبه د زمري ۲۹مه «ملت ته د دولت د حساب ورکولو پروګرام» کې وکړې.
ا.ا افغانستان کې د ملګروملتونو د بشردوستانه مرستو همغږي کوونکي دانیل اندرس هغو څرګندونو ته غبرګون ښودلی چې ویلي و، تېرو دوو کلونو کې یې افغانستان کې ۳۰ کارکوونکي وژل شوي دي.
د افغانستان بانک وايي چې سبا دوشنبه د زمري ۳۰مه به «۱۴» میلیونه امریکايي ډالر د لیلام په توګه بازار ته وړاندې کړي.
د ملي دفاع وزارت چارواکي وايي چې لا هم د یاد وزارت اړوند ۶۰ چورلکې د افغانستان ګاونډيو هېوادونو کې دي او دوی ته نه دي سپارل شوي.
د ملي دفاع وزارت چارواکو دغه څرګندونې نن یکشنبه د زمري ۲۹مه «ملت ته د دولت حساب ورکولو پروګرام» کې د یاد وزارت د تېر کال کلني راپور وړاندې کولو پر مهال کړي دي.
سلاموطندار له ۲۴ ښځینه ارایشګرو «سینګار کوونکو» سره د مرکو په ترڅ کې موندلې چې د یادو ارایشګرو ۷۵سلنه یې د خپلې کورنۍ یوازینۍ سرپرستې وې.
د انرژۍ او اوبو وزارت مسوولان وايي چې روان کال کې دغه وزارت ته د انرژۍ د تولید او د اوبو د مدیریت برخه کې د پروژو د پلي کولو لپاره کافي بودیجه نهده ورکړل شوې.
د اطلاعاتو او فرهنګ وزارت د ځوانانو معین پلعلم کې د ځوانانو یوې مناظرې ته وویل، ډېر ژر به د هېواد په ټولو ولایتونو کې د ځوانانو سلګونه نوې شوراګانې جوړې کړي.
د فاریاب په مرکز میمنې ښار کې یوې مېرمنې په خپل شخصي لګښت لسګونه نورو ښځو ته د لاسي صنایعو یوه کوچنۍ کارخونه جوړه کړې ده.
د بهرنیو چارو وزارت سرپرست امیرخان متقي نن کابل کې یوې غونډې ته ویلي، هغه کسان چې هېواد کې د وضعیت خرابېدو او ګډوډۍ ته په تمه دي، دا ارمان به یې هېڅکله پوره نشي.
د میدانوردګ امنیه قومنداني چارواکي وایي چې په مرکزي بهسودو ولسوالي کې د یو لړ ځانګړو عملیاتو په ترڅ کې یوشمېر وسلې او مهمات نیول شوي دي.
په کندوز او بدخشان ولایتونو کې د سلاموطندار د خبریال حسیب حساس ورور حکیم حساس وايي، د ا.ا استخباراتو تېره اوونۍ په کندوز کې د هغه ورور نیولی او تر اوسه لادرکه دی.
حکیم حساس وايي، ورور یې له خبریالۍ پرته بل هېڅ کار نه درلود. هغه غوښتنه کوي چې ژرترژره دې حسیب حساس خوشې شي؛ ځکه په خبره یې، د کورنۍ یواځینی سرپرست دی.
د پلټنې عالي ادارې او د عدلیې وزارت مسوولانو نن چهارشنبه د زمري ۲۵مه «ملت ته د دولت د حساب ورکولو پروګرام کې د تېر یوه کال پر مهال خپل کلني راپورونه رسنیو سره شریک کړل.
د زابل یوشمېر اوسېدونکې له ګاونډي پاکستان سره د یاد ولایت د پنځو ولسوالیو او مرکز «قلات» ښار د نښلېدونکې لویې لارې د جوړېدو غوښتنه کوي.
د لوګر د عامې روغتیا ریاست مسوولان وایي چې د دغه ولایت په لرې پرته ازرې ولسوالي کې د «افګاه موسسې» له لوري یو روغتیایي مرکز پرانېستل شوی دی.
د عدلیې وزارت مسوولان وايي چې په هېواد کې د ګوندونو ټول سیاسي فعالیتونه په بشپړه توګه بند شوي دي.
د عدلیې وزارت مسوولانو دغه څرګندونې نن چهارشنبه د زمري ۲۵مه «ملت ته د دولت حساب ورکولو پروګرام» کې د دغه وزارت د کلني راپور وړاندې کولو پرمهال کړي دي.
د افغانستان بانک نن (چهارشنبه د زمري ۲۵مه) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا پنجشنبه «۱۴» میلیونه امریکايي ډالر لیلام کړي.
