د یاد هېواد حکومت نن دوشنبه، اپرېل ۱۳مه، په یوې خبرپاڼه کې ویلي چې ډګر جنراله سوزن کویل چې اوس مهال د ګډو وړتیاوو مشره ده، د جولای له میاشتې څخه د پوځ د مشرې په توګه دنده پیل کړي. هغه به د ډګر جنرال سایمن سټوارټ ځای ونیسي.
د استرالیا لومړي وزیر انتوني البانیزي ویلي: «له جولای څخه به موږ د استرالیا د پوځ د ۱۲۵کلن تاریخ په اوږدو کې د لومړي ځل لپاره یوه ښځینه د پوځ مشره ولرو.»
د امریکا ولسمشر ډونالډ ټرمپ وايي، که ایران د خبرو مېز ته بېرته راګرځي او که نه، دی یې، پروا نهلري.
ټرمپ دغه څرګندونې د مریلینډ ایالت په یوه پوځي اډه کې له خبریالانو سره د خبرو پرمهال وکړې.
نوموړي وویل چې له ایران سره اوربند، چې ټاکل شوې د اپرېل تر ۲۲ پورې دوام وکړي، «ښه روان دی» او تر اوسه ټینګ پاتې دی.
د اسراییلو لومړی وزیر بنیامین نتنیاهو وايي چې له لبنان سره د «رېښتینې سولې» د ترلاسه کولو لپاره هڅه کوي.
نتنیاهو ویلي چې ایران او د هغه متحدین «د بقا لپاره جګړه کوي» او وروستیو جګړو د تهران اټومي او توغندیز پروګرامونه سخت زیانمن کړي دي.
د پاکستان د بهرنیوچارو وزیر اسحاق دار په یوه بیان کې د ایران او امریکا ترمنځ د خبرو په اړه ویلي چې اړینه ده دواړه لوري د اوربند په تړاو پر خپلې ژمنې ټینګ پاتې شي.
د ایران تسنیم خبري اژانس د یوې باخبره سرچینې له قوله راپور ورکړی چې دغه هېواد د خبرو لپاره بېړه نهلري او اوس پرېکړه د امریکا په لاس کې ده.
د ایران د بهرنیو چارو وزارت ویاند وايي، هېچا تمه نه لرله چې امریکا سره به په یوه ناسته کې هوکړه وشي.
اسماعیل بقايي له ایراني رسنیو سره په خبرو کې وویل چې ایران او امریکا په یوشمېر موضوعاتو کې یوې هوکړې ته رسېدلي، خو د دوو یا درېیوو مهمو مسایلو په اړه لاهم اختلافات شتون لري.
د هرات د اطلاعاتو او فرهنګ ریاست مسوولان وایي چې پرون جمعه وري ۲۱مه، د ناپېژنده وسلهوالو په برید کې د شهید شویو کسانو شمېر ۱۱ ته لوړ شوی دی.
د یاد ولایت د اطلاعاتو او فرهنګ رییس احمدالله متقي ویلي چې اووه هغه ټپیان چې روغتیايي وضعیت یې ډېر نازک وو، د هرات په حوزوي روغتون کې د درملنې پرمهال ساه ورکړې ده.
یوې امریکايي رسنۍ اکسوس راپور ورکړی چې د امریکا ولسمشر ډونالډ ټرمپ غواړي له ایران سره یوې هوکړې ته ورسېږي، خو په ورته مهال د جګړې د بیا پیل لپاره هم چمتو دی.
د راپور له مخې، د ایراني چارواکو چلند ټرمپ خوابدی کړی او هغه یې له ستونزمن حالت سره مخ کړی دی.
د امریکا ولسمشر ډونالډ ټرمپ وايي، که ایران مرسته وکړي او که مرسته یې نهوي، د هرمز تنګی به ډېر ژر بېرته پرانېستل شي.
دا څرګندونې په داسې حال کې کېږي چې د ایران له لوري د دې مهمې لارې بندښت د نړۍ د انرژۍ بازارونه اغېزمن کړي دي.
د اسراییلو د شمالي جلیل په سیمه کې د خطر زنګونه وهل شوي، څو خلک د هغو راکټونو له ګواښ څخه خبر کړي چې د لبنان له سوېل څخه توغول شوي دي.
د پاکستان د دفاع وزیر خواجه محمداصف، پر خپله اېکسپاڼه د اسراییلو پر ضد کړی پوسټ ډیلیټ کړی دی.
هغه په دې پوسټ کې اسراییل د «بشریت لپاره لعنت» بللی و.
راپورونه ښيي چې دا پیغام د اسراییلو له سخت غبرګون وروسته لرې شوی دی. د اسراییلو د لومړي وزیر دفتر د نوموړي څرګندونې د نه منلو وړ بللې دي.
د امریکا ولسمشر ډونالډ ټرمپ، د هغو راپورونو په غبرګون کې چې ګواکې ایران به له هرمز تنګي تېرېدونکو کښتیو څخه پیسې اخلي، تهران ته خبرداری ورکړی دی.
د راپورونو پر اساس، پر لبنان د اسراییل د تېرې ورځې بریدونو کې لږ تر لږه ۲۵۴ کسان وژل شوي او تر زرو ډېر ټپیان
په لبنان کې د وروستیو هوايي بریدونو له امله درانه ځاني تلفات اوښتي دي. د چارواکو په وینا، یوازې په تېرو ۲۴ ساعتونو کې ۱۸۲ کسان وژل شوي او ۸۹۰ نور ټپیان شوي دي.
له یوکال څخه ډېر وخت کېږي چې تر ۱۱۰۰ زیات افغان کډوال د قطر په یوه پخواني امریکايي پوځي کمپ کې په نامعلوم وضعیت کې پاتې دي.
دا کسان د پخواني حکومت له سقوط وروسته ایستل شوي وو، خو تراوسه یې امریکا ته د تګ اجازه نهده ورکړل شوې.
د الاقصی جومات له شاوخوا ۴۰ ورځې تړلکېدو وروسته نن پنجشنبه، اپرېل ۹مه بېرته د لمونځکوونکو پر مخ پرانیستل شوی دی.
دا بندیز د اسراییلي چارواکو له لوري لګول شوی و چې څو اوونۍ یې دوام وکړ.
