د بریټانیا پارلمان داسې طرحه تصویب کړې چې پر بنسټ به یې پر نه جوړېدونکو ناروغیو اخته کسان د ځانوژنې حق ولري.
د سلاموطندار پښتو فېسبوکپاڼه وڅارئ
رویټرز خبري اژانس راپور ورکړی چې یاده طرحه پرون د بریټانیا په پارلمان کې د ۳۳۰ تایید رایو په ترلاسه کولو سره تصویب شوې ده.
د دغه راپور له مخې، د دې طرحې نوم «پر نه جوړېدونکو ناروغیو د اخته کسانو د ژوند پای» نومېږي او هغو ناروغانو ته چې د ژوند شپږ میاشتې یا تر دې کمه موده یې پاتې وي، اجازه ورکوي چې له ډاکټر سره تر مشورې وروسته د خپل ژوند پای ته رسولو په اړه پرېکړه وکړي.
دا طرحه به یوازې د بریټانیا په «انګلنډ» او ولز سیمو کې عملي شي.
کاناډا، نیوزیلنډ، اسپانیا او د امریکا متحده ایالاتو یوشمېر ایالتونو هم د عمر خوړلیو کسانو د ژوند پای ته رسولو لپاره ورته لارې چارې قانوني کړي دي.
