د افغاني سرې میاشتې ټولنې د «ملک سلمان» او د «البصر» خصوصي خیریه بنسټونو په مالي مرسته کابل کې د یوې اوونۍ پرمهال د سترګو د څه باندې اته زره ناروغانو وړیا درملنه کړې.
یوشمېر ناروغان چې د سترګو عملیات یې کړی، وايي، له عملیاتو وروسته یې، د سترګو لید بېرته ترلاسه کړی دی.
د پکتيا پوهنې رياست مسوولان وايي په مرکز ګردېز او درېوو ولسواليو کې شپږو ښوونځيو ته د ۳۱ نيم ميليونه افغانيو په لګښت د پاکو اوبو سېسټمونه، د احاطې ديوالونه او تشنابونه جوړ شول. د نوموړي په وینا، يادې پروژې د یونېسف نړيوالې موسسې له لوري د ۳۱ نيم ميليونه افغانيو په لګښت بشپړې شوې دي.
د میدانوردګ ولایت محلي مسوولان وايي چې دغه ولایت کې لېوانو ۱۴ پسونه لهمنځه وړي او شپږ نور یې، ژوبل کړي دي.
پېښه جمعه، شپه، لړم ۱۱مه د یاد ولایت د دایمیرداد ولسوالي په «صدوخېل» کلي کې رامنځته شوې.
د لوګر پوهنې ریاست مسوولان وایي چې د پوهنې وزارت په مالي ملاتړ په مرکز پلعلم او یوشمېر ولسوالیو کې د ۱۹ بېلابېلو ودانیو بیارغونه پيل شوه.
سلاموطندار د هېواد په یوشمېر ولایتونو کې د ځوانانو ژوند کې د حرفې زدهکړې، د اغېزو ارزونې په موخه له ۳۴ ځوانانو سره مرکې کړې چې پایلې یې ښيي، هغه ځوانان چې د لوړو زدهکړو ترڅنګ یې، حرفه هم زدهکړې، بریالي او پايښتلرونکی اقتصاد لري.
د غزني امنیتي مسوولان وايي چې دغه ولایت کې د هاوان ناچاودې مرمۍ د چاودنې له کبله دوه ماشومان مړه او یو بل ټپي شوی دی.
د یاد ولایت امنیه قومنداني ویاند خالد سرحدي سلاموطندار ته وايي، نن پنجشنبه، سهار د هاوان مرمۍ چاودنې له دوو ماشومانو ژوند اخیستی او یو بل یې، ټپي کړی دی.
د غزني چارواکي وايي چې دغه ولایت کې د ۱۶ میلیونه افغانیو په لګښت د ۱۲۰۰ مټره سړک د کانکرېټ اچوونې چارې پیل شوې.
د یاد سړک د جوړېدو چارې د غزني ښاروالي له لوري پرمخ وړل کېږي او په جوړېدو سره به یې، د «اربابصاحب او دولتاباد» کلي سره ونښلول شي.
د خوست په ملکي روغتون کې د ۶۰ میلیونه افغانیو په ارزښت د جدي پاملرنې څانګې (ICU) لپاره د ودانۍ جوړېدو د بنسټ ډبره کېښودل شوه.
د غزني امنیتي مسوولان وايي چې دغه ولایت کې د ټرافیکي پېښې له امله څلور کسان مړه او پنځه نور ټپیان شوي دي.
پېښه چهارشنبه، دغه ولایت کې د کابل-کندهار پر لویه لاره رامنځته شوې.
د پکتیکا چارواکي وايي چې دغه ولایت کې د شاوخوا ۱۴۷زره امریکايي ډالرو په لګښت پنځه روغتیايي مرکزونه جوړ او ګټېاخیستنې ته سپارل شوي دي.
د پکتيکا ولايت مقام څخه سلاموطندار ته په رالېږل شوې خبرپاڼه کې ويل شوي چې د ياد ولايت په پنځو لرېپرتو ولسواليو کې پنځه روغتيايي مرکزونه د شاوخوا (۱۴۷) زره امريکايي ډالرو په لګښت جوړ شوي دي.
سلاموطندار له یوشمېر هغو کسانو سره چې په کرایه اوسېږي او د معاملاتو لارښوونې دفترونو مسوولانو سره د مرکو په ترڅ کې موندلې چې د وروستیو درېوو کلونو پرمهال کابل کې د کورونو کرایه په کمسارې توګه لوړه شوې.په دې راپور کې له ۳۰ کسانو سره مرکې شوي، چې په کرایه اوسېږي.
فارياب کې د رسنيو یوشمېر ښځينه کارکوونکې او خبریالانې اقتصادي ستونزو، پر دوی د محدویتونو زیاتېدو او د کاري فرصتونو نشتون څخه شکایت کوي او وايي، د خپلې راتلونکې په اړه اندېښمنې دي.
دوی وویل، مسوولانو او د رسنیو ملاتړو بنسټونو تېرو کلونو په ځانګړې توګه دې وروستیو درېوو کلونو کې د دوی وضعیت ته هېڅ پام نهدی کړی.
په افغانستان کې د وروستیو سیاسي تحولاتو سره هممهاله او د ښځو پر زدهکړو او ټولنیزو محدودیتونو له امله یوشمېر نجونو په یوازې توګه کډوالۍ ته مخه کړې.
سلاموطندار له هغو ۱۸ نجونو سره په خبرو کې چې یوازې کډوالې شوي، موندلې چې دغه نجونې د کډوالۍ په لاره کې له رواني، فزیکي او ټولنیزو ستونزو سره مخ وې.
د ریاستالوزرا اقتصادي معاونیت نن شنبه، لړم پنځمه پر خپله ایکسپاڼه لیکلي، د تېرو نهو میاشتو پرمهال د ۷۳۷ میلیونه ډالرو په ارزښت د افغانستان کرنیز محصولات له ۱۱ ډېرو هېوادونو ته صادر شوي. د سرپرست حکومت د ویاند مرستیال حمدالله فطرت وايي، پنبه، ممیز، انجه، انځر، پیاز، زعفران او رومي بادنجان افغانستان د صادراتو لویه برخه جوړوي.
د کندهار کرنې، اوبولګولو او مالدارۍ رییس مولوی فضلالباري فضلي په مشري دغه ولایت کې له بزګرانو د غنمو د پېرلو او زېرمه کولو لړۍ پیل شوه.
مولوي فضلالباري فضلي په دې اړه جوړو شویو مراسمو ته وویل چې سرپرست حکومت د افغانستان اقتصادي پیاوړتیا لپاره هڅې کوي او په ځانګړي ډول د خپلو بزګرانو هوساینې او پرمختګ ته پام لري.
د افغانستان لپاره د برېټانیا سفارت شارژدافیر رابرت دیکسن وايي، دغه هېواد له سرپرست حکومت سره د تعامل غوښتونکی دی.
دیکسن د ریاستالوزرا سیاسي مرستیال محمدعبدالکبیر سره د لیدنې پرمهال ټينګار کړی چې برېټانیا له ا.ا سره د تعامل د دوام غوښتونکی دی او په وینا یې، دغه هېواد کې د ا.ا ضد فعالیتونو ته اجازه نهورکول کېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
