د ملګروملتونو د بشردوستانه مرستو د همغږۍ دفتر (اوچا) وايي چې د خپلو همکارو بنسټونو په ملاتړ یې افغانستان کې د ژمنیو مرستو بهیر پراخ کړی.
اوچا پر خپله اېکسپاڼه لیکلي چې په دغو مرستو کې د سون توکو وېش او د تودوخې لپاره نغدي مرستې، کمپلې او ګرم کالي، همدارنګه خوراکي توکي او تغذیوي مواد شامل دي، چې اړمنو کورنیو ته رسول کېږي.
سلاموطندار له ۳۲ مېرمنو سره چې عمرونه یې، د ۱۵ تر ۳۰کلونو ترمنځ دي، د هېواد په ۱۵ ولایتونو کې مرکې کړي چې د مرکو پرمهال موندل شوې، د یادو مېرمنو له ډلې ۲۰ یې، د کورنیو او ټولنیزو فشارونو له امله خپل نومونه پټ ساتي.
د لوګر د امنیه قومنداني ویاند مولوي احمدالله انس سلاموطندار ته وویل چې د ترافیکو مدیریت له لوري په مرکز پلعلم او ولسوالیو کې د بېاسنادو موټرو پروړاندې د کنټرول بهیر پیل شوی او دامهال په ګڼو سیمو کې د موټرو د تلاشي او کنټرول لپاره چیکپاینټونه جوړ شوي دي.
کونړ په ختیځ کې یو له هغه ولایتونو څخه دی چې اراضي یې غریزه ده او خلک یې په درو کې هستوګن دي. د دې ولایت غازياباد ولسوالي یوه له هغو ولسوالیو څخه ده چې خلک یې په درو او د غرو په لمنو کې هستوګن دي.
د پاکستان لومړي وزير شهباز شريف د هند پر وړاندې د نړيوال شل اوريز کرېکټ جام (T20 World Cup) د سيالیو د بايکاټ «لوبې نه کولو» پرېکړه تاييد کړې او ويلي يې دي چې دا ګام یې، له بنګلهدېش سره د يووالي د څرګندولو لپاره پورته کړی دی.
پر غزې د اسراییلو په تازه هوايي بريدونو کې لږترلږه ۲۳ فلسطينيانو خپل ژوند له لاسه ورکړی دی. د طبي سرچينو په وينا، دا د اوربند له پيل راهيسې يو له تر ټولو مرګونو ورځو څخه ګڼل کېږي.
الجزيرې شبکې (سلواغې ۱۵مه / فبرورۍ څلورمه) راپور ورکړی چې د وژل شويو کسانو په منځ کې ماشومان هم شامل دي.
ياد رياست په خپره کړې خبرپاڼه کې ويلي چې د پروان، بغلان، لوګر، پکتيا، پکتيکا، ميدانوردګ، باميان، دايکندي، غزني، زابل، روزګان، کندهار، هلمند، نيمروز، فراه، هرات، غور، بادغيس، فارياب، سرپل، جوزجان، بلخ او سمنګان ولايتونو کې د باران او واورې د ورېدو اټکل شوی دی.
د اوکراين او روسيې چارواکو د امريکا په منځګړيتوب د سولې خبرو لومړۍ ورځ پای ته رسولې او ټاکل شوې چې دا خبرې نن پنجشنبه هم دوام ومومي.
دا څرګندونې د اوکراين د مرکچي پلاوي مشر کړې دي. د اوکراين د ملي امنيت او دفاع شورا مشر رستم عمروف ويلي چې د چهارشنبې پر ورځ په ابوظهبي کې شوې خبرې «مانادارې او ګټورې» وې.
د اسلامي امارت د بهرنيو چارو وزارت ويلي چې ۱۰۸ افغانان د متحده عربي اماراتو له زندانونو ازاد او یوشمېر یې، هېواد ته راستانه شوي دي.
دغه وزارت نن پنجشنبه (سلواغې ۱۶مه)، پر خپله اېکسپاڼه په خپره کړې خبرپاڼه کې ويلي چې ياد افغانان د اسلامي امارت د سفارت د هڅو او د متحده عربي اماراتو د ملي ورځې په مناسبت له بند څخه راخوشې شوي دي.
د اوکراين ولسمشر ولودېمېر زېلېنسکي وايي چې د روسيې پر وړاندې د جګړې له پيل راهيسې شاوخوا ۵۵زره اوکرايني سرتېري په جګړه کې وژل شوي او تر دې سربېره، «د پام وړشمېر» نور د ورکو کسانو په نوملړ کې شامل دي.
په یوشمېر ولایتونو کې کورنۍ وايي، د تنګسیې او ټولنیزو فشارونو له امله اړ شوي چې خپلې نجونې له وخت وړاندې واده کړي.
۳۵کلنه پروین د بدخشان اوسېدونکې ده، وايي، که څه هم غوښتل یې، ۱۵کلنه لور یې، زدهکړې وکړي، خو په وینا یې، د فقر له امله یې، خپله لور د هغې له خوښې پرته واده کړې ده.
که څه هم حقوقپوهان وايي چې د «الضرر یزال» فقهي قاعدې پربنسټ، هر ډول تبعیض ممنوع دی، خو یوشمېر دندهلرونکې مېرمنې سلاموطندار ته وايي چې کاري چاپېریال کې له تبعیض سره مخ دي او ځینې بیا وايي، کاري چاپېریال کې د تبعیض له امله اړ شوي چې دندې پرېږدي.
یوه امریکايي چارواکي ویلي چې د متحده ایالاتو پوځ یوه ایرانۍ ډرون چې د «ابراهام لینکلن» د الوتکو وړونکو بېړۍ ته نږدې شوی و، په هوا کې نسکوره کړې ده.
د راپورونو له مخې، یاد ډرون چې شاهد-۱۳۹ نومېده، د الوتکو بېړۍ پر لور روانه وه او د امریکا د اف-۳۵ جنګي جېټالوتکې لهخوا ویشتل شوې.
د اسلامي امارت د پېښو پر وړاندې د مبارزې د ملي چمتووالي ادارې ویلي چې د تېرکال پرمهال په افغانستان کې له جګړو پاتې مهماتو څخه ۱۹۳ پېښې ثبت شوي دي.
د دې ادارې ویاند، محمدیوسف حماد، نن (چهارشنبه، د سلواغې ۱۵مه) رسنیو ته وویل چې د تېرکال په ترڅ کې د پاتې مهماتو د چاودنو له امله ۸۷ کسان وژل شوي او ۳۳۳ نور ټپیان شوي دي. د نوموړي په وینا، د دغو پېښو ۶۷.۵ سلنه قربانیان ماشومان دي.
د اسراییلو پوځ وايي چې د غزې په شمال کې یې یو احتیاطي افسر نن چهارشنبه، فبرورۍ څلورمه، د سهار له لوري د ډزو په یوه پېښه کې سخت ټپي شوی دی.
د پوځ په وینا، دا پېښه هغه مهال رامنځته شوې چې اسراییلي سرتېري د نامعلومو وسلهوالو تر برید لاندې راغلي دي.
د لیبیا د پخواني مشر معمر قذافي زوی «سیفالاسلام قذافي» د لیبیا په زنتان ښار کې وژل شوی دی. دا خبر د لیبیا چارواکو او ځایي رسنیو تایید کړی دی.
د سیفالاسلام قذافي وکیل، خالد الزایدي او د هغه سیاسي سلاکار، عبدالله عثمان، جلا ـ جلا فېسبوک پیغامونو کې د نوموړي د مړینې خبر ورکړی؛ خو د پېښې په اړه یې نور جزییات نهدي شریک کړي.
