پر اسراییلو د ایران او حزبالله ډلې توغندیز بریدونه تر ډېره د اسراییل سوېلي سیمې په نښه کوي، خو تازه رسنیو راپور ورکړی چې یوشمېر توغندي په مرکزي سیمو هم لګېدلي دي.
حزبالله ډلې هم د ایران له توغندیزو بریدونو سره جوخت پر اسراییلو خپل راکېټي بریدونه کړي او شمالي سیمې یې په نښه کړي دي.
د ملګروملتونو پراختیايي پروګرام د افغانستان څانګې د توبرکلوز «نري رنځ» د نړیوالې ورځې په مناسبت ویلي چې له ۵۰زرو څخه زیات د دې ناروغۍ، د ناروغانو درملنه یې کړې ده.
یادې ادارې نن سهشنبه، د وري څلورمه، پر خپله اېکسپاڼه لیکلي چې دغه ناروغان د تېر میلادي کال پرمهال تشخیص او درملنه یې شوې.
د ماشومانو لپاره د ملګروملتونو ملاتړې ادارې یا یونېسف اعلان کړی چې د منځني ختیځ د جګړو له پیل راهیسې تراوسه له ۲۱۰۰ څخه زیات ماشومان وژل شوي او یا ټپیان دي.
یاد سازمان نن سهشنبه د مارچ ۲۴مه راپور ورکړی چې په دې موده کې ۲۰۶ ماشومان په ایران، ۱۱۸ ماشومان په لبنان، څلور ماشومان په اسراییل او یو ماشوم په کویت کې وژل شوي دي.
په کولمبیا کې د پوځ یوه الوتکه له الوتنې لږ وروسته غورځېدلې چې له امله یې لږترلږه ۳۴ کسان وژل شوي او لسګونه نور ټپیان دي.
د یاد هېواد د دفاع وزیر پېدرو سانچېز ویلي چې دا «غمجنه پېښه» د هېواد په سوېل کې د پورتولېګیوسامو په سیمه کې رامنځته شوې چې د پوتومايو ولایت پورې اړه لري. دغه سیمه د پېرو او اکوادور سره پوله لري.
استرالیا او اروپایي ټولنه له اته کلونو اوږدو مذاکراتو وروسته یو سوداګریز تړون لاسلیک کړی چې له مخې به یې د اروپایي توکو پر ډېری صادراتو تعرفې لرې او د استرالیا د حیاتي معدني موادو صادرات به پراخ شي.
د بلومبرګ د راپور له مخې چې دوشنبه، د مارچ ۲۳مه خپور شوی، د اسراییل مرکزي بانک ویلي چې د ۲۰۲۳ څخه تر ۲۰۲۵ کلونو پورې اقتصادي زیان یې، د ناخالص کورني تولید شاوخوا ۸.۶ سلنه جوړوي. دا زیانونه تر ډېره د غزې په جګړه او له لبنان سره په نښتو پورې تړاو لري.
د کابل ښار ګڼشمېر اوسېدونکي د اختر شپو او ورځو پرمهال د پتاقیو د دېرې کارونې له امله شکایت کوي او له مسوولانو غواړي چې د دې کار مخه ونیسي.
د دوی په وینا، د پټاقیو کارولو خلک، په ځانګړې توګه ماشومان او لوړ عمرلرونکي کسان په وېره کې اچولي دي.
د کابل اوسېدونکي زیاتوي چې کله ناکله د پټاقیو غږ د امنیتي پېښو سره ګډوډېږي او د خلکو اندېښنه زیاتوي.
ایران خبرداری ورکړی که د امریکا ولسمشر ډونالډ ټرمپ د ایران د برښنا شبکې پر وړاندې ګواښ عملي کړي، دغه هېواد به د خلیج ګاونډیو د انرژۍ او اوبو سیسټمونه هم په نښه کړي.
د امریکا ولسمشر ډونالډ ټرمپ د هرمز تنگي بېرته پرانیستلو لپاره ایران ته د ۴۸ ساعتونو وخت ورکړی چې سبا سهشنبه به پای ته ورسېږي.
د ملګروملتونو عمومي منشي انتونیو ګوترېش، اعلان کړی چې د نړۍ اقلیم په بېړني حالت کې دی. د هواپیژندنې نړیوالې ادارېWorld Meteorological Organization تازه راپور ښيي چې ټولې مهمې اقلیمي نښې د خبرداري په حالت کې دي.
د کیوبا د بهرنیو چارو مرستیال وزیر، کارلوس فرناندس ډي کُسیو، د امریکا د ولسمشر ډونالډ ټرمپ له تازه ګواښونو وروسته وویل چې کیوبا د هر ډول احتمالي پوځي شخړې لپاره تیار دی.
رویترز خبري اژانس راپور ورکړی چې هاوانا او واشنګټن د روان میاشتې په پیل کې د خبرو میز ته کیناستل، په داسې حال کې چې د تېلو په اړه د امریکا تحریمونه د کمونیسټ رژیم اقتصاد لاهم له کړکېچ سره مخ کړی دی.
د هوا پېژندنۍ نړیوال سازمان(WMO) وايي چې له ۲۰۱۵ څخه تر ۲۰۲۵ کلونو پورې د نړۍ په ثبت شوي تاریخ کې تر ټولو ګرمه یوولس کلنه دوره بلل شوې او ۲۰۲۵کال د دویم یا درېیم تر ټولو ګرم کال په توګه ثبت شوی دی.
د ماشومانو لپاره د ملګروملتونو ملاتړې اداره یا یونېسف وايي چې په افغانستان کې د ښوونځیو یوه لویه برخه د اساسي اسانتیاوو له کمښت سره مخ ده چې د ماشومانو پر زدهکړو ناوړه اغېز کوي.
امریکا او اسراییل وايي چې د ایران پر وړاندې روانه جګړه ښايي د لومړنیو اټکلونو په پرتله اوږده شي او د هرمز تنګي د بیاپرانېستلو عملیات ممکن څو اوونۍ نور هم دوام وکړي.
د اناتولي خبري اژانس د راپور له مخې چې نن دوشنبه یې خپور کړی، اسراییلي رسنیو ویلي چې د واشنګټن هدف یوازې د سمندري لارې پرانیستل نهدي، بلکې امریکا هڅه کوي د انرژۍ نړیوالو بیو باندې د ایران ادعا شوی پراخ نفوذ هم راکم کړي.
د اسلامي امارت د ویاند مرستیال وايي چې نن د پاکستاني ځواکونو له لوري د کونړ ناړۍ ولسوالۍ پر ځینو سیمو د هاوان مرمۍ ویشتل شوي دي.
د حمدالله فطرت په وینا، د دغو بریدونو په پایله کې یو ملکي وګړی شهید شوی او یوه ښځه ټپي شوې ده.
د ټرانسپورټ او هوايي چلند وزارت ویاند حکمتالله اصفي وايي چې تېرکال د هېواد له هوايي ډګرونو څه باندې ۱۲زره الوتنې شوې دي.
اصفي ویلي، په همدې موده کې شاوخوا ۱.۶میلیونه مسافر هم لېږدول شوي دي.
د ټولګټو چارو وزارت ویاند محمداشرف حق شناس وايي چې د پسرلي له رارسېدو سره، په هېواد کې د بنسټیزو پروژو کارونه بېرته پیلیږي.
حق شناس زیاته کړې، هغه پروژې چې د تېر ژمي پرمهال د سړې هوا او نامناسبو اقلیمي شرایطو له امله په لنډمهالي ډول درېدلې وې، اوس یې چارې بېرته پیلیږي.
