د اروپايي ټولنې کمېسیون مسوولان وايي چې «ټېکټاک او د پیغام رسونې ټولنیزه شبکه اېکس «ټوېټر» باید د پاروونکې منځپانګې د ډېرېدو مخنیوي برخه کې هڅې وکړي.
د یاد کمېسیون مرستیالې وېرا جورووا دغه څرګندونې د ټېکټاک اجرايیوي رییس شوو چیوو او د اېکس نړیوالو چارو رییس نېک پېکلز سره تر لیدنې وروسته کړې دي.
د سلاموطندار پښتو فېسبوکپاڼه وڅارئ
دغه دوه ټولنیزې رسنۍ د حماس او اسراییلو ترمنځ د روانې نښتې په اړه د ناسمو او پاروونکو اطلاعاتو له ډېروالي سره مخ شوې دي.
اروپايي ټولنه همداراز د ۲۰۲۴ کال د جنورۍ میاشتې کې د یادې ټولنې د پارلماني ټاکنو په اړه د ناسمو اطلاعاتو د مخنیوي برخه کې هم هڅې کوي.
د اروپايي ټولنې د ډیجیټل خدمتونو قانون چې یو کال وړاندې جوړ شوی پر بنسټ یې ټولنیزې شبکې باید د ناسمو او پاروونکو منځپانګونو خپرېدو مخه ونیسي او یا هم باید جریمه ورکړي.
ټېګټاک ویلي چې د اسراییلو او حماس نښتې پیل راهیسې تراوسه یې میلیونونه پوسټونه لهمنځه وړي چې ډېری یې د ماشومانو د تاوتریخوالي اړوند دي.
له دې وړاندې ځینو نورو ټولنیزو رسنیو او شبکو هم چې پر انټرنټ خپرېږي، د پاروونکو منځپانګې مخنیوي لپاره د خپلو هڅو خبر ورکړی دی.