د میدانوردګ د کرنې، اوبولګولو او مالدارۍ ریاست چارواکي وایي چې د ملګروملتونو د کرنې او خوړو نړیوال پروګرام (FCDO) ادارې له لوري د دغه ولایت په دریوو ولسوالیو کې د وروستیو اورښتونو له امله پر زیانمنو شویو درې زره مالدارو د څارویو خوراکه ووېشل شوه.
د یاد ولایت د کرنې او مالدارۍ ریاست د پلان او پروګرامونو مدیر اصفالله اسدي سلاموطندار ته وویل، د کرنې او مالدارۍ وزارت پر وړاندیز د ملګروملتونو د کرنې او خوړو نړیوال پروګرام (FCDO) ادارې له لوري په نرخ، جلرېز او چک ولسوالیو کې پر شاوخوا درې زره بېوزله مالدارو د څارویو خوراکه ووېشل شوه.
د سلاموطندار پښتو فېسبوکپاڼه وڅارئ
نوموړي دغهراز زیاته کړه، هر مالدار ته دوه سوه کیلوګرامه حیواني متراکمه خواړه ووېشل شول.
د هغه په وینا، په پام کې ده چې ورته مرستې د میدانوردګ نورو ولسوالیو ته هم وغځول شي.