د میدانوردګ د بدني روزنې او ورزش امریت مسوولان وایي چې د طبما فدراسیون له لوري په مرکز میدانښار کې د یاد ولایت په کوربتوب د پنځه ولایتونو ترمنځ د طبما سیالي پای ته ورسېدې.
د دغه ولایت د بدني روزنې او ورزش امریت څخه سلاموطندار ته په رالېږل شوې خبرپاڼه کې ویل شوي چې دغه سیالۍ د میدانوردګ، لوګر، کابل، خوست او پکتیا ولایتونو د شاوخوا سل غوره لوبغاړو ترمنځ جوړې شوې وې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ورکړل شویو معلوماتو له مخې، د یادو سیالیو لومړی مقام کابل لوبډلې، دویم مقام خوست لوبډلې او درېیم مقام میدانوردګ لوبډلې خپل کړی دی.
خبرپاڼه زیاتوي چې د یادو سیالیو له جوړېدو څخه موخه د زمري ۲۴ نمانځل، طبما ورزش ته وده ورکول او د ورزشکارانو ترمنځ غوره اړیکې رامنځته کول وو.
هېره دې نه وي چې د یادو سیالیو په پای کې په غوره لوبغاړو مډالونه او ستاینلیکونه هم ووېشل شول.