د اسراییل لومړي وزیر بینیامین نتنیاهو د ایران په اټومي تاسیساتو د برید لپاره د امریکا ولسمشر ډونالډ ټرمپ له پرېکړې مننه کړې.
نتنیاهو نن (یکشنبه، سرطان لومړۍ) یوه ویډیويي پیغام کې ویلي: «ولسمشر ټرمپ تبریک دې وي. د ایران اټومي تاسیساتو په نښه کولو لپاره ستاسو زړوره پرېکړه به تریخ ته بدلون ورکړي.»
د هغه په وینا، د ایران اټومي تاسیساتو پر وړاندې د امریکا د تېرې شپې اقدام ساری نه لري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه یوه ويډيويي پيغام کې ټرمپ ته خطاب کې زیاته کړې چې: «تاسو داسې کار وکړ چې نړۍ کې هېڅ هېواد نه شو کولی.»
د نتنیاهو په اند، نړۍ به ثبت کړي چې ډونالډ ټرمپ له خطرناکه وسلو څخه د ایران محروم کولو لپاره اقدام وکړ.
د اسراییل لومړي وزیر همدارنګه زیاته کړې چې:
«زه او ټرمپ تل وایو چې سوله د ځواک له لارې ترلاسه کیږي، لومړي ځواک وروسته سوله. ښاغلی ټرمپ له تاسو مننه، اسراییلي ولس له تاسو منندوی دی.»