د پکتیکا محلي مسوولان وايي چې دغه ولایت کې د درې میلیونه افغانیو په لګښت یو چکډېم جوړ او ګټېاخیستنې ته سپارل شوی دی.
د پکتيکا ولايت مقام څخه سلاموطندار ته په رالېږل شوې خبرپاڼه کې ويل شوي چې دغه چکډېم پرون چهارشنبه، لړم دویمه ګومل ولسوالي کې ګټېاخیستنې ته سپارل شوی.
د سلاموطندار پښتو فېسبوکپاڼه وڅارئ
د خبرپاڼې له مخې، د دغه چکډېم لګښت د اوبو او انرژی وزارت له لوري ورکړل شوی چې درې میلیونه افغانۍ دي.
یاد چکډېم ۳۴متره اوږدوالی، ۶متره لوړوالى او د ۲۰۵۰متره مکعب اوبو د زېرمې ظرفیت لري.
په خبرپاڼه کې زياته شوې چې ياد چکډيم په جوړېدو سره به د ځمکې لاندې اوبو سطحه لوړه او په زياته اندازه ځمکې به خړوبې کړي.
له دې وړاندې هم دغه ولایت کې تر ځمکې لاندې د اوبو کچې ساتنې او لوړېدو سربېره، د کرنیزو اوبو مدیریت لپاره کوچني او لوی چکډېمونه جوړ شوي دي.