غزه کې روغتیايي سرچینې وايي چې د اسراییلي ځواکونو په نننیو بریدونو کې۴۳ کسانو خپل ژوند له لاسه ورکړی دی.
روغتیايي سرچینې الجزیرې ته ویلي چې ډېری دغه کسان د غزې مرکز او شمال کې د اسراییلو د بریدونو پرمهال په نښه شوې دي.
د سلاموطندار پښتو فېسبوکپاڼه وڅارئ
سرچینې همداراز زیاته کړې چې اسراییلو د غزې شمال کې په کمسارې توګه خپلو ځمکنیو بریدونو او عملیاتو ته دوام ورکړی دی.
الجزیري خبري شبکې نن سهشنبه، اکتوبر اتمه راپور ورکړی چې د غزې په مرکزي سیمه کې د پنځو مېرمنو او دوو ماشومانو په ګډون ۲۵ کسانو ژوند له لاسه ورکړی دی.
دغه کسان داسې مهال په نښه شوي چې اسراییلي ځواکونه په سېسټماتیک ډول د شمال د تخلیې لپاره هڅې کوي.
له هغه وخت راهیسې چې اسراییلو پر غزې برید پیل کړی، ۴۱۹۶۵ کسانو خپل ژوند له لاسه ورکړی او ۹۷۵۹۰ کسان هم ټپیان شوې دي.
د راپورونو له مخې، په وژل شویو کې ۷۰سلنه ښځې او ماشومان شامل دي. همداراز میلیونونه کسان بیا د جګړو له امله د خپلو مېنو پرېښودو ته اړ شوې دي.