د خوست امنیه قومنداني وياند طاهر احرار وايي، د تېرې یوې اوونۍ پرمهال دغه ولایت کې یوولس کسان د بېلابېلو غلاوو په تور نیول شوې دي.
دغه کسان له جنایي جرمونو سره د مبارزې مديريت منسوبينو له لوري د یاد ولایت مرکز، علیشېرو او ترېزیو، تڼیو، صبریو او یعقوبیو، اسماعیلخېل او مندوزیو ولسوالیو کې نیول شوي دي.
د سلاموطندار پښتو فېسبوکپاڼه وڅارئ
د احرار په وينا، په يادو کسانو کې څلور هغه کسان هم نیول شوي چې د ا.ا د غړیو له نوم څخه په استفادې به یې، غلا کوله.
نوموړي زیاته کړه چې نورو نیو شویو کسانو به په لويو لارو، له کورونو د غلا او د خلکو د جيبونو د وهلو په تور نيول شوي دي.
نیول شویو کسانو په خپلو جرمونو اعتراف کړی او له لومړنیو څېړنو وروسته به عدلي او قضايي ارګانونو ته وسپارل شي.