د میدانوردګ محلي مسوولان وايي چې د دغه ولایت په مرکز کې د ۲۰ میلیونه افغانیو پر ارزښت یو جامع جومات جوړ او ګټېاخیستنې ته وسپارل شو.
د میدان وردګ د والي ویاند وحیدالله سروري سلاموطندار ته وویل، مرکز میدانښار کې د یوه شخصي کس حبیبالله جانبدار په مالي ملاتړ د ۲۰ میلیونه افغانیو په ارزښت د «صوفي شازمان» په نوم جومات جوړ کړی دی.
د سلاموطندار پښتو فېسبوکپاڼه وڅارئ
نوموړي وویل دغه جومات چې په دوه پوړونو کې جوړ شوی، د برښنا، اوبو، شنې ساحې، کتابتون او د موټرو لپاره تم ځای اسانتیاوې هم په پام کې نیول شوې دي.
هغه زیاته کړه د یاد جومات د ګټېاخیستنې پرمهال د چارو ادارې رییس شیخ نورالحق انور هم ګډون کړی و.
هغه د هېواد په بیارغونه کې ولسي ونډه اړینه وبلله او له خلکو یې وغوښتل چې له حکومت سره د وطن په بیارغونه کې اوږه په اوږه برخه واخلي.
د یادونې وړ ده څه موده وړاندې په جغتو ولسوالۍ کې هم په شخصي مالي ملاتړ د یولک ډالرو په ارزښت یو باب جومات ګټې اخیستنې ته سپارل شوی وو.