د شپږیزې کرېکټ لیګ سیالي نن دوشنبه، زمري ۲۲مه په کابل کې کرېکټ لوبغالي کې د یو لړ مراسمو په ترڅ کې پیل شوې.
د یاد لیګ په لومړۍ لوبه کې بندامیر ډراګنز لوبډلې د سپین غر ټایګرز پر وړاندې لوبه وکړه چې دغه لوبه یې، د ۱۹ منډو په توپیر وګټله.
د سلاموطندار پښتو فېسبوکپاڼه وڅارئ
ډراګنز لوبډلې لومړی توپوهنه وکړه او په ټاکل شویو شلو اورونو کې یې، د صدیق اتل د ۶۹ منډو پر مټ د شپږو لوبغاړو په سوځېدو سره ۱۶۷ منډې جوړې کړې.
په ځواب کې سپینغر ټایګرز لوبډلې د نهو لوبغاړو په سوځېدو په ټاکل شویو شلو اورونو کې یوازې ۱۴۸ منډې جوړې کړې.
د بندامیر لپاره په توپاچوونه کې الله محمدغضنفر ښکلې توپاچوونه وکړه او څلور اورونو کې یې، ۱۱ منډې ورکړې او درې وېکټې یې ترلاسه کړې.
امیرحمزه هم درې لوبغاړي وسوځول.
د دغه لیګ په دویمه لوبه کې مېسعینک نایټز لوبډله له امو شارکز سره مخ ده چې هغه لوبه به له غرمې وروسته ۲ بجې پیل شي.