د هند کرېکټ غوره لیګ کې نن د چینای سوپر کنګز لوبډله د ممبی انډیینز لوبډلې سره سیالي کوي. ټاکل شوې چې یاده لوبه نن یکشنبه، اپرېل ۱۴مه د هند د «وانکېډې کرېکټ لوبغالي» کې ترسره شي.
ممبی انډیینز لوبډله چې دغه لیګ کې له درېوو پرلهپسې ماتو وروسته یې خپلې دوه لوبې ګټلي، د پیاوړې چینای لوبډلې کوربهتوب کوي. ممبی لوبډله دامهال د سیالیو په جدول کې اووم ځای لري.
د سلاموطندار پښتو فېسبوکپاڼه وڅارئ
چینای لوبډله بیا له کړیو پنځو سیالیو په درېوو بریا او دوو ماتو سره د جدول درېیم ځای خپل کړی دی. دې لوبډله خپله تېره سیالي له کلکتې نایټرایډرز وګټله.
بلخوا له ۲۰۲۱کال راهیسې د دواړو لوبډلو ترمنځ په شویو وروستیو پنځو سیالیو کې ممبی لوبډلې یوازې یو ځل چینای مات کړی او پاتې څلور لوبې، چینای سوپر کنګز ګټلې دي.
په همدې حال کې د نن ورځې په لومړۍ لوبه کې چې دا مهال روانه ده، لکناو سوپر جاینټز له کلکته نایټرایډرز سره لوبه کوي.
د یادو سیالیو په بېګانۍ لوبه کې بیا راجستان رویالز لوبډلې په یوې په زړه پورې لوبه کې پنجاب کنګز مات کړ.