کاپیسا کې د کلیو بیارغونې او پراختیا وزارت لهخوا د ۱۲ میلیونه افغانیو په لګښت د شپږو سربندونو او کرنیز کانالونو د جوړېدو چارې پیل شوې.
دغه سربندونه او کرنیز کانالونه به د یاد ولایت په شپږو ولسوالیو کې ورغول شي.
د سلاموطندار پښتو فېسبوکپاڼه وڅارئ
د یادو سربندونو او کانالونو له ډلې یې د یوه سربند او دوو کانالونو د جوړېدو چارې د «لومړۍ حصې او تګاب» ولسوالیو کې پیل شوې او پاتې به یې هم پیل شي.
د یاددو سربندونو او کانالونو د رغېدو چارې د کلیو بیارغونې او پراختیا وزارت سرپرست محمدیونس اخندزاده او نورو چارواکو له لوري پرانېستل شوې.
د کاپیسا د کلیو او بیارغونې پراختیا رییس سیدابرار وايي چې په دغو رغنیزو پروژو کې به سلګونه کسانو ته د کار کولو زمینه برابره او په بشپړېدو سره به یې د یادو سیمو د اوسېدونکو ګڼې ستونزې هم هوارې شي.
کاپیسا د کابل په شمال کې پروت کرنیز ولایت دی چې د تېر کال سېلابونو یې سربندونه او کانالونه اوبو وړي چې له کبله یې کروندګر سخت زیانمن شوې دي.