د ایران د ولسي جرګې د ملي امنیت کمېسیون په دې وروستیو کې هلته د افغان کډوالو وضیعت ارزولی دی. د دغه کمېسیون یوه غړي فداحسین مالکي ویلي، په ایران کې د ناقانونه افغان کډوالو موجودیت د دغه هېواد خلک اندېښمن کړي دي.
د وینې ملي بانک مسوولانو وایي، د عامه پوهاوي نه لرلو او د خلکو نه پاملرنې له امله د هرې ورځې په تېرېدو سره په هېواد کې د تلاسیمیا او هېموفیليا ناروغانو شمېر مخ په زیاتېدو دی.
د وینې ملي بانک رییس محمدناصر صادق سلاموطندار ته ویلي چې اوس د هېواد په کچه څه باندې دولس زره کسان پر تلاسیميا ناروغي او شاوخوا ۱۱۳۰ نور هم پر هېموفیليا ناروغي اخته کسان ثبت شوي دي.
یوه ډله چینایي سوداګر د پکتیا او خوست د جلغوزیو پېرلو او چین ته یې د لېږدولو په موخه د لومړي ځل لپاره پکتیا ته تللي دي.
د پکتیا د سوداګرۍ خونې مسوول حسیب ګردېزی د جلغوزیو پېرلو لپاره دغه ولایت ته د بهرنیو سوداګرو ورتګ مهم بولي او وايي، په دې سره به د جلغوزیو سوداګري لا پراختیا ومومي.
په کابل ښار کې په ۲۵ میلیونه ډالره پانګونې د درملو او سیروم جوړولو یوې کارخونې فعالیت پیل کړ. د دې کارخونې مسوولان وايي، دا کارخونه به په څلېرویشت ساعتونو کې د ۱۱۰ زره سیرومونه تولید کړي.
په انقره کې د افغانستان سفارت کې ځینې سرچینې وايي چې د ترکیې دولت په دغه سفارت کې د اسلامي امارت نوي ډیپلوماټ منلی دی.
په یاد سفارت کې یوې سرچینې چې نه یې غوښتل نوم یې یاد شي، نن (د تلې لسمه، د دوشنبې ورځ) سلاموطندار ته ویلي چې ټاکل شوې د اسلامي امارت دغه ډیپلوماټ د تېرو هغو په څېر ژرترژره خپل کار پیل کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
