ګڼشمېر سوداګر او هېوادوال وايي چې د پاکستان له لوري د تورخم دروازې په تړل کېدو سره له ګڼو مالي او نورو ستونزو سره مخامخ شوي او په خبره یې، یاده دروازه د څلورمې ورځې لپاره هم تړلې پاتې شوه.
د دوی په وینا، نه یوازې ناروغان دغه هېواد ته له ورتګ پاتې دي، بلکې د ګڼو سوداګرو سوداګریز مالونه هم بند پاتې دي او سخت مالي زیانونه ورته رسېدلې دي.
د پاکستان د بهرنیو چارو وزارت ویاندې ممتاز زهرا بلوچ پرون په اسلاماباد کې د یوې خبري غونډې پر مهال ادعا وکړه چې په افغانستان کې له امریکايي ځواکونو څخه پاتې وسلې د ترهګرو ډلو لاس ته ورغلي او دغه کار د پاکستان په ګډون، د سیمې لپاره ګواښ دی. زهرا بلوچ ویلي چې اسلاماباد په دې اړه د ا.ا له چارواکو سره خپلې اندېښنې شریکې کړې دي.
که څه هم دې وروستیو کې افغانستان کې د ترهګرو ډلو د فعالیتونو په اړه کوم راپور نه دی ورکړل شوی، خو د سیمې یوشمېر هېوادونه لاهم افغانستان کې د ترهګرۍ شتون څخه اندېښنه ښيي.
د بدخشان د یاوان ولسوالي یوشمېر اوسېدونکي وايي چې لاهم دغه ولسوالي کې د ځمکې ښوویېدنې پېښې رامنځته کېږي او خلک د خپلو مېنو پرېښودو په حال کې دي.
د پکتیا مرکز ګردېز ښار او د دغه ولایت د زرمت ولسوالي ترمنځ د غځیدلي سړک د رغونې چارې نن شنبه د وږي ۱۸مه پیل شوې.
دغه سړک چې شل کیلومټره اوږدوالی لري، د رغونې چارو ټول لګښت یې د ټولګټو چارو وزارت له لورې ورکول کېږي.
د ملي دفاع وزارت مسوولان وايي چې بامیانو کې یې د ۲۷ میلیونه ډالرو په ارزښت ګڼشمېر تاریخي او عتیقه اثار کشف او ضبط کړي دي.
دغه وزارت نن شنبه د وږي ۱۸مه پر اېکس شبکه «ټوېټرپاڼه» لیکلي چې د یادو تاریخي اثارو د قاچاق په تور یې درې قاچاقوړونکي هم نیولي دي.
مراکش کې د یوې زورورې زلزلې له امله تراوسه ۲۹۶ کسان مړه شوي او ګڼشمېر کورونه او ودانۍ یې ویجاړې کړې دي.
زلزله بېګاه شپه ناوخته د دغه هېواد په غرنیزو سیمو کې شوې چې له امله یې ۱۵۳ کسان ټپیان شوي هم دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
