برښنا شرکت د يوې خبرپاڼې په خپرولو سره ويلي چې د ترکمنستان د انرژۍ وزارت یو پلاوی د برښنا رسونې پروژو په ځانګړي ډول د ټاپ پروژې د حقوقي او تخنیکي چارو د چټکتیا په موخه کابل ته راغلی دی.
د افغانستان د اسلامي امارت ویاند انعامالله سمنګاني له نشهیي توکو سره د مبارزې د ځانګړې محکمې د جوړېدو خبر ورکړ.
د ناروې په اوسلو غونډه کې د افغان ښځو په استازیتوب یوې افغان مېرمنې هدا خموش وینا وکړه او افغانستان کې یې د ښځو پر کار، زدهکړو او سیاسي ګډون ټينګار وکړ. فاطمي زیاتوي، د افغان معترضو مېرمنو د استازې وینا باید له شرط پرته د کار او زدهکړو حقونو ورکړه او په سیاسي برخه کې د ښځو پر ګډون راڅرخېدای.
د پکتيا ولایت روغتیايي مسوولان وايي چې په تېره یوه میاشت کې د سپیو له لوري د انسانانو داړل زیات شوي او په دغه موده کې ۲۰۴ کسان سپیو داړلي دي.
بښنې نړیوال سازمان ویلي چې افغانستان کې نجونې له څو میاشتو راهیسې ښوونځي ته د تلو اجازه نه لري او د زدهکړو له بنسټیز حق څخه محرومې شوې دي. د بښنې نړیوال سازمان ټينګار کړی، سربېره پر دې چې په ملي او نړیواله کچه فشارونه راوړل کېږي، خو تراوسه د اسلامي امارت له لوري نجونو ته د زدهکړو اجازه نه ده ورکړل شوې.
د لوګر د عامې روغتیا ریاست مسوولان وایي، په مرکز پلعلم او یوشمېر ولسوالیو کې له درملتونونو او معاینهخانو څخه یې څارنه پیل کړې او ګڼشمېر درملتونونه او معاینهخانې یې د ناقانونه او نامعیاري فعالیتونو له امله تړلي دي. روغتیایي مسوولان ټینګار کوي چې د تاریخ تېرو درملو د راټولولو او د ناقانونه روغتیايي مرکزونو د تړلو بهیر به روان وي.
رویټرز خبري اژانس رپوټ ورکړی چې د اسلامي دولت نومي ډلې یا داعش هرات کې د تېرې شنبې ورځې د مرګوني چاودنې مسوولیت پر غاړه اخیستی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
