غني د فېسبوک په محکمه کې؛ تښتېدلی ولسمشر که بابا؟

د زمري په ۲۴مه د مخکیني ولسمشر محمداشرف غني د حکومت له پرځولو او د هغه له تېښتې وروسته، د اسلامي امارت ځواکونه کابل ته دننه شول او په بشپړه توګه یې افغانستان تر خپلې ولکې لاندې کړ. اوس چې د محمداشرف غني له تېښتې نږدې دوه میاشتې تېريږي، یو‌شمېر هېوادوال لا هم نوموړی د «بابا» په نوم یادوي.

نیمروز کې د مالوچو حاصلات د پام وړ کم شوي

نیمروز کې د مالوچو یو‌شمېر کروندګر او پلورونکي سلام‌وطندار ته وايي چې سږ کال یې د وچکالۍ او د محلي مسوولانو د نه‌پام له امله خپلو کرنیزو ځمکو څخه ښه حاصل نه دې ترلاسه کړي.

امریکا له افغانستان سره ۱۴۴ میلیونه ډالر مرسته وکړه

امریکا له افغانستان سره خپلې نوې بشري مرستې اعلان کړې. د دغه هېواد د بهرنیو چارو وزارت ویلي چې په افغانستان کې له ناورین ځپلو سره د مرستې لپاره یې ۱۴۴ میلیونه ډالره نوې بشري مرستې ځانګړې کړي دي. د دغه وزارت په خبره، له نویو اعلان شویو مرستو سره په افغانستان او سیمه کې له افغان کډوالو سره په روان کال کې د امریکا د بشري مرستو کچه ۴۷۴ میلیونه ډالرو ته رسېږي.

لوړو زده‌کړو وزارت: خصوصي پوهنتونونه دې د وزارت له تایید پرته استادان نه ګوماري

د باختر دولتي خبري اژانس د لوړو زده‌کړو وزارت د چارواکو له خولې خبر ورکړی چې د اسلامي امارت د لوړو زد‌ه‌کړو وزارت خصوصي پوهنتونونه د دغه وزارت له «ځانګړي پلاوي» پرته د استاذانو له ګومارنې منع کړي دي. د خصوصي پوهنتونونو ټولنې تراوسه په دې اړه خپل نظر نه دی څرګند کړی.