د بانکونو پېرېدونکي د پیسو اخیستلو له بهیر څخه ناخوښ دي

وروسته له هغې چې طالبانو پر کابل ولکه خپله کړه د نورو ادارو ترڅنګ بانکونو هم خپل فعالیتونه ودرول چې خلک یې له ګڼو ستونزو سره مخه کړل. د ښاریانو له شکایتونو وروسته کابل کې بانکونو خپل فعالیتونه بېرته له سره پیل کړي، خو د بانکونو پېرېدونکي له بانکونو څخه د خپلو پیسو د اخیستلو له بهیر څخه ناخوښ دي.

کابل کې د امریکا هوايي برید؛ د یوې کورنۍ ۹غړي وژل شوي

د سي ان ان خبري شبکې راپور ورکړی چې پرون کابل کې د استوګنې پر یوه کور د امریکا د بې‌پېلوټه الوتکې په یوه هوايي برید کې د یوې کورنۍ ۹ غړي وژل شوي دي. پرون امریکا ویلي و چې د کابل هوايي ډګر ته څېرمه یې یو موټر هدف ګرځولی او له منځه یې وړی دی.

د ۱۰۰هېوادونو خبرپاڼه: افغانانو ته د سفر اسنادو د ورکړې لړۍ ته دوام ورکوو

له افغانستان څخه د امریکایي ځواکونو د وتلو نېټې او له کابل څخه د تخلیې بهیر د پای ته رسېدو په درشل کې، د نړۍ نږدې ۱۰۰هېوادونو د یوې ګډې خبرپاڼې په خپرولو سره ویلي چې افغانانو ته به د سفر کولو اسنادو د ورکړې لړۍ دوام ولري. دغو هېوادونو ژمنه کړې، هغه کسان چې په افغانستان کې تر ګواښ لاندې دي، د سفر کولو اسناد به ورکړي.