د پاکستان لوی درستیز جنرال قمرجاوید باجوه او د انګلیستان د وسلوالو ځواکونو قوماندان جنرال نیکولس کارټر تېره ورځ افغانستان ته راغلي وو او له ولسمشرغني او د مصالحې عالې شورا له مشر سره یې د افغان سولې بهیر او امنیتي وضعیت په اړه خبرې کړې دي.
د امریکا او طالبانو ترمنځ د سیاسي هوکړې دوه کاله تېرېږي او له امریکا سره د سولې خبرواترو پرمخ بېولو لپاره د طالبانو یو شرط دا و چې امریکایي ځواکونه به په بشپړه توګه له افغانستان څخه وځي.
د انتقالي عدالت د همغږۍ ډلې نن په کابل کې د یوې خبري ناستې په ترڅ کې پر ملکي او ښوونیزو مرکزونو د ترهګریزو بریدونو له زیاتوالي څخه اندېښنه څرګنده کړه.
د دغې ډلې مسوولان وايی، له تېرو څو کلونو راهیسې د یوه ځانګړي مذهبي قوم پر وړاندې په سیستماتیک ډول ترهګریز بریدونه کیږي، خو حکومت د ورته بریدونو د مخنیوي لپاره کوټلي ګامونه نه دي پورته کړي.
د روژې روانه میاشت په هېواد کې د تېرو څو لسیزو په پرتله ترټولو خونړۍ میاشت وه چې په ګڼشمېر کورنیو کې د غم ویر خپور و. د کورنیو چارو وزارت د شمېرو له مخې، د روژې له پېل څخه تراوسه نږدې ۳۰۰ ملکیان وژل شوي او۵۰۰ نورټپیان دي.
د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد، د طالبانو او افغان حکومت له لوري د اوربند له اعلان څخه هرکلی کړی دی. خلیلزاد بېګاه شپه په خپل ټوېټر پاڼه لیکلي چې په وروستیو اوونیو کې تاوتریخوالی ډېر وو او افغانانو یې بیه پرې کړې ده.نوموړي ټينګار کړی چې افغانان یوې سیاسي او تلپاتي اوربند ته اړتیا لري.
هغه ویلي: « مونږ د بین الافغاني خبرو، سیاسي هوکړې او د بې معنا جګړې د پای ته رسولو ژر تر ژره غوښتونکي یو، دا هغه څه دي چې د افغانستان خلک یې هیله لري.»
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
