د خوست د امنیې قومانداني مسوولان وايي چې د دغه ولایت په مرکز او ځاځي میدان ولسوالي کې یې ۱۴ کوډګر نیولي دي.
د سلاموطندار پښتو برخه دلته وڅارئ
د خوست د امنیې قومانداني ویاند مستغفر ګربز وايي چې امنیتي مسوولانو د امر بالمعروف او نهې عنالمنکر ریاست له مسوولانو سره په همغږۍ اته کوډګر د خوست ښار په شینکۍ سیمه او شپږ نور کوډګر هم د دغه ولایت په ځاځي میدان ولسوالي کې نیولي دي.
دغه کوډګر داسې مهال نیول کېږي چې د امر بالمعروف او نهې عنالمنکر وزارت یوه اوونۍ وړاندې په ټول هېواد کې د کوډګرو پر فعالیت بندیز ولګوه.
د دغه وزارت د سپارښتنې پر بنسټ، که کوم څوک د دغو «ناقانونه عملونو» په تور ونیول شو، محکمې ته به یې ور وپېژني.
