د پروان امنیتي مسوولان وايي چې د دغه ولایت د لویې لارې قطعې پر قوماندان د سړک غاړې ماین چاودنه شوې چې د قطعې د قوماندان په ګډون، ۵ پولیس پهکې وژل شوي دي.
د پروان د امنیې قومانداني د جنایي جرمونو پر وړاندې د مبارزې مدیر محمدصادق هاشمي د دغه خبر د تایید ترڅنګ وايي، یاده پېښه نن سهار ۱:۳۰ دقیقې د چاریکار ښار په «عبديبای» سیمه کې شوې ده.
د هاشمي په وینا، د امنیتي ځواکونو هاموې ټانګ له یادې سیمې تېرېده چې ماین چاودنه پرې شوې او په پایله کې یې د لویې لارې قوماندان، یو ساتنمن او ۳ سرتېري وژل شوي دي.
طالب ډلې د دغې چاودنې مسوولیت منلی دی.
دا په داسې حال کې ده چې د سړک غاړې ماین چاودنې تل په هېواد کې د ملکیانو او نظامیانو ژوند اخلي.
