اسلام امیرلیگی ایچکی ایشلر وزیرلیگی، دوشنبه کونی، ۲۰ سنبله، اوز تویتری ده، اوشبو وزیرلیک سرپرستی کابل ده تورکیه ایلچیسی بیلن اوچرهشگنیدن خبر بیرگن.
کابل ده تورکیه ایلچیسی جهاد ایرگینآی، اسلام امیرلیگی ایچکی ایشلر وزیرلیگی نینگ سرپرستی سراجالدین حقانی بیلن اوچرهشووی ده، تورکیه افغانستان خلقی گه انسان پرورلیک یاردملری و همکارلیکلری گه دوام بیریشیدن ایشانچ بیرگن.
بیزلرنینگ فیسبوک صحیفهمیزگه باش اورینگ!
اوشبو اوچرهشووده ایرگینآی جنابلری، اسلام امیرلیگی دن خوفسیزلیک تأمین ایتیلیشی اینیقسه تورکیه ایلچیخانهسی و قنسولگرلیگی خوفسیزلیگی تأمین ایتیلیشیدن منتدارلیک بیلدیرگن.
مذکور اوچرهشووده جهاد ایرگینآی، افغانستان گه یاردم بیرووچی مملکتلر نینگ نمایندهلری یقینده تورکیه نینگ استانبول شهری ده ییغیلیش اوتکزیشیدن خبر بیریب ایتیشیچه، اوشبو ییغیلیش ده اشتراک قیلگن اولکهلر نینگ افغانستان گه انسان پرورلیک یاردملرینی اوتمیش گه نسبتن کوپهیتیریب و دوام بیریش گه قانیقتیریش اوچون سعیوحرکت قیلهدیلر.
دنیا همجمعیت نینگ افغانستان بیلن تعاملینی کوچهیتیریش مقصدیده سعیوحرکت قیلهیاتگنلریدن ایشانچ بیرگن، کابل ده تورکیه ایلچیسی جهاد ایرگینآی.
مذکور اوچرهشووده، ایچکی ایشلر وزیرلیگی نینگ سرپرستی سراجالدین حقانی، تورکیه ایلچیسی نینگ افغانستان ده ماموریتی جریانیدهگی خذمت و فعالیتلری اینیقسه ایکی مملکت نینگ ایسکی مناسبتلرینی مستحکملش اوچون سعیوحرکتلریدن منتدارلیک بیلدیرگن.
بیزلرنینگ توییترده هم تعقیب قیلینگ!
حقانی جنابلری، برادر و مسلمان ایکی مملکت نینگ مناسبتلری تورلی ساحهلرده مستحکملنیشی گه امیدوارلیک بیلدیرگن.
ایتیش کیرهک که، افغانستان ده اسلام امیرلیگی حاکمیتیدن کیین، تورکیه ناتو نینگ اعضاسی اولهراق اسلام امیرلیگی بیلن مناسبتینی سقلب و تورکیه پایتختی انقره ده افغانستان ایلچیلیگینی سرپرست حکومت دیپلوماتلری گه تاپشیرگن منطقه مملکتلردن بیری سنلهدی.