«دولت نینگ ملت گه حساب بیریش» برنامی‌سی دوامیده، بوگون عدلیه وزیرلیگی ییل‌لیک گزارشی نی رسانه‌لر بیلن شریک قیلدی.
مملکت عدلیه وزیری فضل احمد معنوی نینگ ایتیشیچه، قویاش ۱۳۹۹- ییل باشلنگنیدن بویان افغانستان یشاوچی‌لریدن ۳۲۷ ته‌سی تابعیت نی ترک قیلیشنی ایسته‌گن. اونگه کوره، مذکور کیشیلر ایران، اتریش، هالند، روسیه، اوزبیکستان، اوکراین، بلغاریا، جاپان و اندونزیا مملکت‌لری نینگ تابعیتی نی قولگه کیلتیرگنی باعث، افغانستان تابعیتی نی ترک قیلیش نی ایسته‌گن.
جناب معنوی نینگ ایتیشیچه، عدلیه وزیرلیگی افغانستان کیم‌لیگی نینگ قولگه کیلتیریش خصوصیده ۱۳ ایسته‌ک قولگه کیلتیرگن. مذکور ۱۳ قضیه جنوبی کوریا، پاکستان، تاجیکستان، ایران، ترکمنستان و یمن مملکت‌لریگه تیگیشلی دیر کیم بولردن ۸ ته‌سی نهایی و قبول قیلینگن.
مذکور وزیرلیککه کوره، قویاش ۱۳۹۹- ییل ده قید ایتیلگن حقوقی قضیه‌لر اوتگن ییل گه نسبتن کوپه‌یش نی کورسته‌دی. بو ییل ده ۷۷ مینگ حقوقی قضیه قید ایتیلگن کیم بولردن ۱۶ مینگ ته‌سی عایلوی دیر.
جناب معنوی بیاناتی نینگ بیر بولیمیده ایتیشیچه، انسان قاچاقی گه قرشی کوره‌ش کمیسیونی عدلیه وزیرلیگی گه تیگیشلی دیر و بو کمیسیون امنیتی، عدلی، قضایی و انسان حقوقی کمیسیون‌لری نینگ همکارلیگی بیلن انسان نی قاچاق قیله‌دیگن ۳۴ گروه نی تانیب و بو حقده ۶۰ کیشی نی تورلی ولایت‌لردن قولگه آلگن.
عدلیه وزیرلیگی نینگ ییل‌لیک گزارشی گه کیلیشیچه، مذکور وزیرلیک ۱۸ تقنینی سند نی قانونی ایشلری آلغه کیتیشی اوچون کابینه نینگ قانونلر کمیته‌سیگه یوبارگن.
شونده‌ی بیرحالده، معلومات و احصائیه اداره‌سی هم ییل‌لیک گزارشی نی نشر قیلدی. مذکور اداره باشلیغی جاوید رسولی برق کیم‌لیک ترقه‌تیش پروسه‌سی نینگ تیزلشتیریلگنیدن خبر بیرگن. جناب رسولی نینگ کوپه‌یتیریشیچه، قویاش ۱۳۹۹- ییل جریانیده ۱ میلیون دن آرتیق برقی کیم‌لیک مملکت یشاوچی‌لریگه ترقه‌تیلگن.
