افغانستان ملت حزبی نینگ باش کاتبی جعفر مهدوی، بوگون کابل‌ده یولگه قوییلگن خبری بیر ییغینده اسلامی امارت صفلریده اوزباشیمچه کیشیلرنینگ تخطی قیلیشلریدن خواطر بیلدیریب ایتیشیچه، مذکور کیشیلر اسلامی امارت رهبرلری تامانیدن عمومی کیچیریم اعلام بولگنی گه قرشی، قطار ولایت‌لرده اوز باشیمچه‌‌لیک فعالیت‌لر انجام بیره‌دیلر.
جعفر مهدوی نینگ کوپه‌یتیریشیچه: «عمومی کیچیریم اسلامی امارت رهبری تامانیدن اسلامی بیر اصل صفتیده نیک بیر اقدام ایدی و اونینگ تطبیق بولیشی اوچون فایده‌لی سعی و حرکت صورت تاپیشی ممکن. بیراق قیغو بیلن بعضی موردلرده اوزباشیمچه کیشیلر اسلامی امارت صفلریده تخطی قیلگنلر و شونینگدیک تخطیلری نینگ دوامی هم بار که اسلامی امارت اونینگ آلدینی آلیشی کیره‌ک.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، افغانستان ملت حزب باش کاتبی اسلامی امارت مسئوللریدن مملکت نینگ بوتون یشاوچیلری گه دنیا جماعه یاردم‌لری نینگ ترقه‌تیلیشیده، فساد و برابرسیزلیگی نینگ آلدینی آلیشلری نی سوره‌گن.
باشقه بیرتاماندن، جعفر مهدوی افغانستان عیال‌لری مملکت سیاسی و اجتماعی ظرفیت‌لریدن یریمی نی تشکیل بیرگن دیب و تورلی سطح‌لرده شرکت قیلیشلری کیره‌ک دیگن.
افغانستان حزب ملت باش کاتبی اهالی نینگ اوروش و قان‌توکیلیش‌دن خسته‌بولگنلریگه اشاره قلییب و ایتیشیچه، بوندن کیین افغانستان یشاوچیلری هرقنده‌ی اوروش تحرکی برابریده توخته‌یدیلر.
بیزلرنینگ توییترده هم تعقیب قیلینگ!
جعفر مهدوی نینگ بیاناتی گه تیگیشلی اسلامی امارت رسمیلری نینگ فکرلری نی آلیش ایسته‌دیک؛ بیراق بیزلرنینگ کیین‌مه کیین قونقیراغلریمیز گه جواب بیرمه‌دیلر.
ایتیش کیره‌ک که، اسلامی امارت مملکت‌ده قدرت گه ایریشگنیده عمومی کیچیریم اعلام قیلگن بیرحالده، بیراق انسان حقوقی کوزه‌تووچی و باشقه خلق‌ارا نهادلر نینگ گزارشلریده نیچه مرته زوروانلیک، قولگه آلینیش و حتی انسان‌لرنینگ اعدامی خصو‌صیده اسلامی امارت کوچلری گه انتقادلر وارد بولگن.
