بوگون (جمعه ۱۵- حوت) گلبدین حکمتیار رهبرلیگیده اسلامی حزب طرفدارلریدن قطاری کابل ده اعتراض گه باشله‌گن.
اوتگن کون اسلامی حزب رهبری گلبدین حکمتیار خبری بیر ییغین آرقه‌لی ناراضلیک نمایش یولگه قوییلیشی‌دن خبر بیریب ایتیشیچه، بو حزب نینگ ایسته‌کلرینی ییری گه کیلتیریش اوچون حکومت گه ۱۰ کون وقت بیریلگن.
اونگه کوره، اهالی و سیاسی حزب‌لرنینگ ایسته‌کی اساسیده بیر حکومت قوریلیشی اوچون حکومت رسمی‌لریدن تیزلیککه استعفا بیریش‌لرینی سوره‌گن.
اسلامی حزب رهبری حاضرگی حکومت نینگ ناکاره خطاب قیلیش بیلن اورغولشیچه، حکومتی رسمی‌لری استعفا بیرمه‌گن صورتده، اسلامی حزب باشقه شهرلرده هم کینگ ناراضلیک نمایش یولگه قوییشی ممکن. شونینگدیک جناب حکمتیار، اوشبو حزب طرفدارلری ناراضلیک نمایش گه شرکت قیلیش اوچون باشقه ولایت‌لردن کابل کیلیش‌لری ممکن دیگن ایدی.
