بوگون (شنبه، ۳۱-سرطان)، متقاعدلردن قطاری مالیه وزیرلیگی برابریده ناراضلیک بیلدیریب، حکومت تامانیدن حقلری توللنمه‌گن صورت‌ده، اوزلری و عایله اعضالری نینگ آلاو بیریش‌لریدن آگاه‌لنتیرگنلر.
اوشبو ناراضلیک نمایش‌ده متقاعدلر نماینده‌سی میرویس، حقلری توللنمه‌سلیگی‌دن شکایت قیلیب ایتیشیچه، نیچه مرته تقاعد‌لری نینگ قولگه کیلتیریش اوچون، مالیه وزیرلیگی گه مراجعت قیلگنلر؛ بیراق هر مرته بوش قول بیلن قیته اوی گه قیتگنلر.
بیزلرنینگ فیسبوک صحیفه‌میزگه باش اورینگ!
میرویس نینگ کوپه‌یتیریشیچه: «هر ایشیککه باردیک، لیکن مثبت و منفی جواب‌لری بیللی ایمس. حقیمیز نی بیرگن‌لری صورت‌ده، حقیمیز حلال دیر و بیرمه‌گنلری صورت‌ده ایسه، ضرب‌العجل تعین قیلیش‌لری کیره‌ک. برچه‌میز اوزی‌میز نی آلاو بیریش بیر وضعیت گه کیلدیک.»
مذکور ناراضلیک نمایش‌ده‌گی متقاعدلردن بیری فیض‌الله نینگ ایتیشیچه، تقاعد حقی توللنمه‌گنی سبب، عایله نیازلری نی تامین‌لش اوچون اوی وسیله‌لری نی ساتیش گه مجبور بولگن. «اوچ ییل‌دن بیری راست بیر گپ نی ایشیتمه‌دیک، بوگون نی ایرته قیله‌دیلر و اهالی نی اوینه‌ته‌دیلر. حقیمیز بیریلمه‌گنی صورت‌ده، باشقه چاره‌میز یوق، اوزی‌میز نی آلاو بیریشی‌میز ممکن.»
مذکور ناراضلیک نمایش گه شرکت قیلگنلردن باشقه بیری محمد عمری، قریب تورت ییل دولتی نهاد‌لردن بیریده ایشله‌گن و حاضر ایسه تقاعد قیلگن. او اسلام امیرلیگی آرقه‌لی تقاعد‌لری توللنیشی نی ایسته‌گن.
محمد عمری نینگ ایتیشیچه: «برچه متقاعدلر اوچ ییل‌دن بیری سرک‌لرده یوریگن، بیراق اسلام امیرلیگی سیسی‌میز نی ایشیتمه‌یدی و ایسته‌کلری‌میز خصوصیده قرار آلمه‌یدی.»
بیزلرنینگ توییترده هم تعقیب قیلینگ!
شونده‌ی بیرحالده، بو توغریده مالیه وزیرلیگی نینگ فکری نی آلیش ایسته‌دیک؛ بیراق مذکور وزیرلیک معلومات بیریش گه حاضر بولمه‌دی.
ایتیش کیره‌ک که، قریب بیر ییل آلدین متقاعدلر حقلری توللنیشی طرحی، اسلام امیرلیگی رهبری گه یوباریلگن؛ بیراق حاضرگچه، اوشبو طرح تصدیق‌لنمه‌گن و اونینگ تقدیری‌دن هیچ بیر خبر یوق.
