پروان محلی رسمی‌لری نینگ ایتیش‌لریچه، مذکور ولایت معارف باشلیغی عبدالظهور حکیم اداری فساد و وظیفه‌سیدن سوءاستعمال قیلیش عیبلاوی بیلن، مذکور ولایت استیناف قاره‌لاوچیلیگی گه تانیشتیریلگن.
پروان حاکمی فضل‌الدین عیار نینگ سلام‌وطندار بیلن اوتکزگن صحبتی گه مذکور ولایت معارف باشلیغی نینگ قاره‌لاوچیلیککه تانیشتیریلگنی نی تصدیق‌لگن.
پروان حاکمی مذکور ولایت معارف ریاستیده‌گی قیینچلیک‌لرنی تصدیق‌لب کوپه‌یتیریشیچه، کشفی نهادلرنینگ گزارشی هم مذکور قیینچلیکلر بارلیگی نی تصدیقله‌یدی و اولر معارف ریاست قیینچلیک‌لری خصوصیده عدلی و قضایی اداره‌لرنینگ ایشلرینی نتیجه‌سینی کوتیب تورگن.
عین حالده، پروان معارف ریاستیدن ایشانچلی بیر منبع نینگ ایتیشیچه، مذکور ولایت معارف باشلیغی عبدالظهور حکیم گه علاوه، بو ریاست نینگ مالی، تهیه و تدارکات و انسان قیناق‌لری نینگ مدیرلری هم قاره‌لاوچیلیککه تانیشتیریلگن.
باشقه بیر تاماندن سلام وطندارگه ییتیشگن پروان ولایتی استیناف قاره‌لاوچیلیگی نینگ
اداری فساد گه قرشی کوره‌ش بولیمی نینگ نامه‌سینی کورستیشیچه، مذکور نهاد بو ولایت ملی خوفسیزلیک ریاستی نینگ معلومات و گزارشی اساسیده و وظیفه‌دن سوءاستعمال قیلیش عیبلاوی بیلن معارف باشلیغی، مالی مدیری، تدارکات مدیری و انسان قیناق‌لری نینگ مدیری نی حضور گه چقیرگن.
بیراق پروان معارف باشلیغی عبدالظهور حکیم، قاره‌لاوچیلیککه تانیشتیریلگنی نینگ دلیلی نی قرنتین کون‌لریده اضافه‌کارلیک آلیشی دیگن.
