بوگون “سه‌شنبه” افغانستان اسلامی حزبی نینگ کینگش‌لر بیرلیگی باشلیغی جمعه‌خان همدرد نینگ کابلده خبری بیر ییغینده ایتیشیچه، افغانستان حکومتی، ترکیه ییغینی اوچون واحد بیر ریجه تیارلش‌گه موفق بولمه‌گن.
افغانستان اسلامی حزبی کینگش‌لر بیرلیگی باشلیغی نینگ ایتیشیچه، ملی مصالحه کینگشی تامانیدن ارایه قیلینگن ریجه هرتامانلمه ایمس و بوتوغریده سیاسی حزب‌لر بیلن مصلحت صورت تاپمه‌گن.
جناب همدرد نینگ کوپه‌یتیریشیچه، حکومت واحد و هرتامانلمه ریجه بیلن ترکیه ییغینیده حضور تاپمه‌گن صورتده، اوشبو ییغین نینگ نتیجه بیرمه‌یشی ممکن.
بیراق، ملی مصالحه کینگشی سوزلاوچیسی فریدون خوزون نینگ ایتیشیچه، اوشبو کینگش تامانیدن تقدیم ایتیلگن لایحه واحد و هرتامانمله دیر و بوتون سیاسی حزب‌لرنینگ فکرلری نظرگه آلینگن.
گزارش‌لرگه کوره، ۲۴ اپریل ده استانبول ده افغانستان تینچلیک جریانی خصوصیده افغانستان حکومتی و طالبان گروهی آره‌سیده ییغین یولگه قوییلیشی ممکن. افغانستان تینچلیک جریانی نینگ ریجه‌سینی تیارلش مسوولیتی ملی مصالحه کینگشی بوینیگه دیر و اوشبو کینگش مذکور ریجه‌نی ۱۱ اپریل ده نهایی ایتیلگنیدن خبر بیرگن ایدی.
