افغانستان نی قیته قوریش اوچون امریکا نینگ مخصوص تیکشیریش اداره‌سی یا سیگار ینگی گزارشیده، افغانستان قوشنی‌لری ایریم خواطرلر باعث، اوشبو مملکت بیلن سوداگرلیک و ترانزیت نی محدود قیلگنینی ایتگن.
اوشبو گزارش اساسیده، افغانستان نینگ چیگره‌لریده‌گی خوفسیزلیک، عصیانچی گروه‌لر نینگ فعالیتی و سیاسی ناتینچ‌لیکلر، افغانستان قوشنی‌لری نینگ اساسی خواطرلریدن عنوان قیلینگن. سیگار اوشبو گزارشیده، افغانستان ده اسلامی امارت حاکمیتیدن کیین مذکور مملکت نینگ صادرات و وارداتی ۴۰ دن ۵۰ فایز کمه‌یشینی معلوم قیلگن. «دنیا بانکی نینگ معلوماتی اساسیده، اسلامی امارت ۲۰۲۱_ییل آگست آیی ده اوشبو مملکتده حاکم بولیشیدن کیین، افغانستان نینگ صادرات و ارداتی اوتگن ییل گه نسبتن ۴۰ دن ۵۰ فایز کمه‌یگن.»
عین‌حالده، سلام‌وطندار بیلن صحبت اوتکزگن اقتصادی ایش بیلرمان‌لردن قطاری، افغانستان قوشنی‌لری تامانیدن ترانزیت و سوداگرلیک چیکلاولرنی ناتوغری دیب و یامان عاقبت‌لریدن آگاه‌لنتیره‌دیلر.
بیزلرنینگ فیسبوک صحیفه‌میزگه باش اورینگ!
اولر نینگ ایتیشلریچه، افغانستان نینگ سوداگرلیک و ترانزیتی اوستیگه یره‌تیلگن چیکلاولر باعث، اوشبو مملکتده ترانزیت و سوداگرلیک اوستیگه تأثیر قیلیب و صادرات و اردات رقمی کمه‌یگن. اولر نینگ ایشانچی گه کوره، سوداگرلر نینگ دنیا بازارلری گه دسترس‌سیزلیگی و اقتصاد بوییچه منطقه‌وی همکارلیک و تعامل سیزلیگی، اوشبو چیکلاولر نینگ یامان عاقبت‌لریدن سنله‌دی.
ایش بیلرمان‌لر گه کوره، بو چیکلاولر کوتاریلمه‌گن تقدیرده، افغانستان اقتصادی انقراض گه روپه‌ره بولیشی ممکن. اولر اسلامی امارت نی دنیا همجمعیت بیلن تعامل قیلیشینی اوشبو چیکلاولر ییچیم یولی عنوان قیله‌دیلر.
شو بیلن بیرگه اسلامی امارت، افغانستان قوشنی‌لری تامانیدن سوداگرلیک و ترانزیتی چیکلاولرنی، امریکا نینگ اوشبو مملکت اوستیگه یره‌تگن تحریم‌لری گه باغلیق بیله‌دی.
بیزلرنینگ توییترده هم تعقیب قیلینگ!
اسلامی امارت صناعت و سوداگرلیک وزیرلیگی سوزلاوچیسی احمدجواد دبیر نینگ سلام‌وطندار گه ایتیشیچه، افغانستان قوشنی‌لری، امریکا نینگ افغانستان گه قرشی تحریم‌لری گه دایر احتیاط کارلیک بیلن عمل قیله‌دیلر.
عین‌حالده، افغانستان ده اسلامی امارت حاکمتیدن کیین، اوتگن ییل گه نسبتن افغانستان نینگ صادرات رقمی آشگن. افغانستان اوتگن ییل ده ۸۵۰ میلیون دالر صادرات قیلگن، بیراق اسلامی امارت حاکمیتیدن کیین بو رقم ۱ میلیارد ۳۶۴ دالر گه آشگن.
