اوتگن کون جمهوررئیس‌لیک سرایی خبرچی ملی کونیدن نشانلش مراسم نی رسانه‌لر نماینده‌لری، سوز ایرکین‌لیگی قربانی‌لری نینگ عایله‌لری و دولت رسمی‌لریدن قطاری نینگ حضوری بیلن یولگه قویدی.
مراسم عادی شکلده باشلندی و مسئوللر بیر بیرته بیانات بیردی. مذکور مراسم ده جمهوررئیس محمداشرف غنی، جمهورلیک ریاست ایکینچی اورین‌باسری محمدسرور دانش، معلومات و مدنیت وزیرلیگی سرپرستی محمدطاهر زهیر و جمهورلیک ریاستی نینگ عامه علاقه‌لر و استراتیژیک ایشلری بوییچه اداره باشلیغی وحید عمر ارگ تامانیدن نطق سوزله‌دی.
جمهورلیک ریاست ایکینچی اورین‌باسری محمدسرور دانش خبرچیلرگه قرشی زوروانلیکلر و قتل دوسیه‌لری تیکشیریلیشی، وحید عمر سوزایرکین‌لیگی برابریده‌گی قیینچلیکلر، محمد طاهر زهیر حکومت نینگ سوز ایرکین‌لیگی و خبرچیلردن حمایتی توغریسیده بیانات بیردی.
نوبت جمهوررئیس غنی گه ییتیشدی. او هم باشقه حکومتی رسمیلر کبی رسانه‌یی اجتماع دن بوتون حمایتی نی اعلام قیلیب و خبرچیلرگه قرشی زوروانلیکلر و ریجه‌لنگن قتل‌لردن جدی تنقید قیلدی.
شونینگدیک او، سوز ایرکین‌لیگی و رسانه ایشلاوچی‌لریگه قرشی هجوم‌لرنی، مملکت نینگ کیله‌جگی گه قرشی هجوم دیب اورغوله‌دی. نیچه مرته کوریلگن کیم جمهوررئیس تماشاچی‌لرنی احساسات گه کیلتیریش اوچون بیاناتی گه خاص روش‌لردن فایده‌لنیب و سیسی نی بیر دفعه‌یی یوکسلتیرگن.
جناب غنی حکومت نینگ سوزایرکین‌لیگیدن هرتامانلمه حمایتی توغریسیده سیس چیقاردی، بیراق خبرچیلردن هیچ بیری جمهوررئیس نینگ بیاناتیدن خرسندلیک کورسته‌دیگن بیر عکس‌العمل کورستمه‌دی.
آچیق شکلده کوردیم که جناب غنی نینگ اوقی قرانغولیک تامان آتیلگن و اشتراکچی‌لر اونینگ بیاناتی برابریده کوپ عادی برخورد قیلدی و شونینگدیک چک چک اوریش و وصفیده شعر اوقیش دن هیچ بیر خبر یاغ ایدی.
کورینیشیچه، بیاناتی یکونلنگن ایدی، بو پیتده آرزو تلویزیونی خبرچیسی مبشر معروف خبرچیلرنینگ قتلی کوپه‌یگنی و یما سیاووش نینگ دوسیه‌سی قنده‌ی تیکشیریلگنی توغریسیده سوراق سوره‌ماق ایسته‌دی، بیراق جناب غنی اونینگ سیسی نی کیسیب و سوراقی نی بوتونلی سوره‌ش گه رخصت بیرمه‌دی.
مبشر معروف سلام‌وطندار بیلن صحبت اوتکزیب ایتیشیچه، جمهورلیک ریاست خاص قوریقچی‌لری او بیلن فریکی برخورد قیلیب و اونینگ سیسی نی کیسیش اوچون بیللی گه ضربه اورگن. اونگه کوره، جمهوررئیس قوریقچی‌لری نینگ برخوردی تهدید رقم ایکن.
مبشر معروف نینگ ایتیشیچه: «اوتگن کون یما سیاووش نینگ قتل دوسیه‌سی و خبرچیلرنینگ ریجه‌لنگن قتل‌لری توغریسیده جمهوررئیس غنی دن ایکی سوراق سوره‌ماق ایسته‌دیم. بیراق پی‌پی‌اس مین بیلن فزیکی برخورد قیلدی و جناب غنی جواب بیریش گه حاضر بولمه‌دی.»
معروف نینگ کوپه‌یتیریشیچه، خبرچی کونیدن نشانلش مراسمیده خبرچی نینگ آغزی نی باغلش، حکومت نینگ سوزایرکین‌لیگی برابریده توجه‌سیزلیگی نی کورسته‌دی. او اوشبو وضعیت گه بونده‌ی مراسم‌لر یولگه قوییلیشی نی نمایشی و اَلده‌تووچی دیگن.
خبرچی کونیدن نشانلش مراسم یولگه قوییلگن بیرحالده، اوتگن نیچه آیده مملکتده ۱۱ خبرچی هلاک و ۵۰ رسانه ایسه باغلنگن.
رسانه‌لردن حمایت قیلووچی نهادلر سوز ایرکین‌لیگی وضعیتی نی قیین دیب و وضعیت یمان‌لنیشی توغریسیده خواطرگه دیر. شونینگدیک بو نهاد خبرچیلرنینگ خوفسیزلیگی حکومت تامانیدن تأمین‌لنمه‌گنیدن تنقید قیلیب و خبرچیلرنینگ قتل قضیه‌لری تیکشیریلمه‌گنیدن شکایت قیلیشگن.
الیاس داعیِ، بسم‌الله عادل ایماق، رحمت‌الله نیکزاد، یما سیاووش، ضمیر امیری، شفیق‌الله، ملالی میوند، شهناز رؤوفی، سعدیه سادات و مرسل وحیدی قویاش جاری ییل ده ریجه‌لنگن ترورلرده هلاک ایتیلگن خبرچیلر و رسانه ایشلاوچی‌لری دیر.
