ینگی‌لیکده رویترز کونده‌لیگی افغانستان ایکی ییریک مقامی دن نقل قیلیش بیلن بیر گزارش نشر قیلگن. مذکور گزارش‌‌گه کوره، جناب غنی افغانستان تینچلیک جریانی خصوصیده آمریکا نینگ پیشنهادینی رد قیلیب و اونگه قرشی کیله‌سی ۶ آی جریانیده جمهورلیک ریاستی سیلاوی یولگه قویلیش ریجه‌سینی پیشنهاد قیلگن.
رویترز نینگ ایکی منبع دن نقل قیلیب ایتیشیچه، جناب غنی مذکور ریجه‌نی ترکیه ده یولگه قویله‌دیگن ییغینده بیان قیلیشی ممکن.
بیراق، سیاسی ایش بیلرمانلردن بیرقطاری نینگ ایتیش‌لریچه، جمهور رییس غنی سیلاو یولگه قویلیش ریجه‌سینی پیشنهاد قیلیش بیلن زمان ساتیب آلیش‌گه تلاش قیله‌دی.
سیاسی ایش بیلرمانلردن بیری آصف آشنا نینگ ایتیشیچه، جناب غنی زمانی اوین‌لر بیلن آمریکالیکلرنی قانع قیلیش‌نی ایسته‌یدی.
اونینگ ایتیشیچه: « جناب غنی زمان آلیش‌نی ایسته‌یدی و بیرقطار زمانی اوین‌لر آرقه‌لی موقت حکومت دن چیت‌گه قولمه‌یش اوچون آمریکالیکلرنی قانع قیلیش‌نی ایسته‌یدی. لیکن جناب غنی نینگ قصه‌سی بیر حاکم صفتیده تکمیل بولگن و اوشبو کشی نینگ مصرفی تاریخی یکونلنگن.»
سیاسی ایش بیلرمان‌لرگه کوره، ۲۰۱۴- و ۲۰۱۹- ییل‌لرده یولگه قوییلگن سیلاولردن اهالی نینگ یمان تجربه‌سی بولگنی سبب، ۶ آیی جریانیده سیلاو یولگه قویش عملی ریجه ایمس.
بیلیم یورت اوقیتووچی‌سی اکرام عارفی نینگ ایتیشیچه، ۶ آی جریانیده سیلاو یولگه قویش ریجه‌سی عملی و مسلکی ایمس. اونینگ ایتیشیچه، طالبان مشارکت و قدرت آلیش اوچون سعی و حرکت قیله‌دی و هیچ‌بیر زمان سیلاو آدرسی دن وارد بولمه‌یدی.
بوتوغریده جمهورلیک ریاستی فکرینی آلیش اوچون سعی و حرکت قیلدیک، بیراق موفق بولمه‌دیک.
