آمریکا مرکزی قومندانلیک قومندانی مک کنزی نینگ ایتیشیچه، حاضرده هم افغانستان زوروانلیک میزانی یوقاری دیر.
جناب کنزی نینگ خاورمیانه انستیتیوتی میزبانلیگیگه یولگه قوییلگن آنلاین سوزلشووده ایتیشیچه، آمریکا دوحهده امضالنگن تینچلیک شرطنامهنی تیکشیرهدی.
اونینگ ایتیشیچه: «طالبان گروهی حاضرده هم زوروانلیک، هدفلی قتللر و افغانستان حربیلری اوستیگه هجوم اویوشتیریشگه دوام بیرماقده. بو گروه آمریکا کوچلریگه قرشی هجوملرینی توختهتگن، لیکن زوروانلیک رقمی یوقاری دیر و دقت آستیگه قرار بیریلیشی کیرهک.»
ژنرال مک کنزی نینگ کوپهیتیریشیچه، طالبان نینگ حاضرگی حرکتلری خواطرلنترووچی دیر. اونینگ ایتیشیچه، آمریکا ینگی دولتی نینگ سیاستی تیکشیریش آستیگه قرار تاپگن و تیزلیککه بیر قرارگه قول تاپیشی ممکن.
جناب کنزی نینگ صحبتلری بیر بولیمیده ایتیشیچه، آمریکا نینگ افغانستاندهگی حربیلری ناتو رهبرلیگی گه بولگن کیسکین حمایهوی کوچلردن حمایت قیلهدی و تروریسم گه قرشی عملیاتگه تمرکز قیلیشی ممکن. اونینگ تاکید قیلیشیچه، آمریکا کوچلری نینگ افغانستاندن چیقیشی شرایط ده تیگیشلی دیر.
بوندن آلدین آمریکا جمهوریخواه سناتورلریدن بیری لیندزی گراهام، آمریکا حربیلری طالبان و آمریکا آرهسیده امضالنگن شرطنامه ده تعیینلنگن زمانده افغانستاننی ترک قیلمهیشینی بیلدیرگن ایدی.